އިޓާލިއަން ސެރީއާގެ ލާޒިއޯއަށް ކުޅެމުންދިޔަ ސަރބިއާގެ މިލިންކޮވިޗް ސެވިޗް ސައުދީ އަރަބިއާގެ އަލް ހިލާލްއަށް ސޮއިކޮށްފިއެވެ.
އަލް ހިލާލްއިން މިލިންކޮވިޗް ސެވިޗް އެޓީމަށް ގެންގޮސްފައިވަނީ 34 މިލިއަން ޕައުންޑްގެ އަގަކަށެވެ.
މިއީ މިފަހަރު އަލް ހިލާލްއިން އެޓީމަށް ގެންދިޔަ ތިންވަނަ ކުޅުންތެރިޔާއެވެ. އުމުރުން 28 އަހަރުގެ މިކުޅުންތެރިޔާ އަލް ހިލާލްއަށް ސޮއިކޮށްފައިވަނީ ތިން އަހަރު ދުވަހުގެ އެއްބަސްވުމެއްގެ ދަށުންނެވެ.
އަލް ހިލާލްއިން މީގެ ކުރިންވަނީ ރުބެން ނެވޭސް އާއި ކަލީޑޫ ކޯލީބާލީ އެޓީމަށް ގެންގޮސްފައެވެ. މިލިންކޮވިޗް ސެވިޗްވަނީ ލާޒިއޯގައި އަށް އަހަރު ހޭދަކޮށްފައެވެ. އަދި މިއަށް އަހަރުގެ ތެރޭގައި އޭނާވަނީ 341 މެޗް ކުޅެދީ 69 ލަނޑު އެޓީމަށް ކާމިޔާބުކޮށްދީފައެވެ. އެޓީމްގެ ކޯޗް ކަމާއި މިހާރުވަނީ ބެންފީކާގެ ކުރީގެ ކޯޗް ހޯގޭ ޖޭސުސް ހަވާލުވެފައެވެ.
އަލް ހިލާލްއަކީ އޭޝިއަން ޗެމްޕިއަންސް ލީގުގެ ތަށި ހަތަރު ފަހަރު ކާމިޔާބުކޮށްފައިވާ އަދި ސައުދީ ޕްރޯ ލީގު 18 ފަހަރު ކާމިޔާބުޮށްފައިވާ ކްލަބެކެވެ. ނަމަވެސް މިނިމިދިޔަ ސީޒަންގައި އެކްލަބް ދިޔައީ ތިންވަނައަށެވެ.