މޯލްޑިވްސް އޮލިމްޕިކް ކޮމެޓީ (އެމްއޯސީ) ގެ ރައީސް މުޙައްމަދު އަބްދުލް ސައްތާރު، އޭޝިއާގެ ސާފިން ފެޑެރޭޝަނާ ބައްދަލުކުރައްވައިފިއެވެ.
މި ބައްދަލުކުރެއްވުމުގައި ރާއްޖޭގެ ސާފިން އެސޯސިއޭޝަނުން ބައިވެރިވިއިރު، މި ކުޅިވަރު ރާއްޖޭގައި ތަރައްޤީކޮށް ކުރިއަރުވާނެ ގޮތްތަކާއި ގުޅޭގޮތުން ދެ ފަރާތުން ވަނީ މަޝްވަރާކުރައްވާފައެވެ.
މި ބައްދަލުކުރެއްވުމުގައި އެންމެ އިސްކަމެއްގެ ގޮތުގައި މަޝްވަރާކުރެވިގެން ދިޔައީ މާދަމާ ރާއްޖޭގައި ފެށުމަށް ހަމަޖެހިފައިވާ އޭޝިއަން ސާފިން ޗެމްޕިއަންޝިޕާ ގުޅޭގޮތުންނެވެ. އޭޝިއާގެ ސާފިން މިހާތަނަށް ހޯދި ކުރިއެރުންތަކާއި މިއަހަރު ރާއްޖޭގައި ބާއްވާ މުބާރާތާ ގުޅިގެން ރޭވިފައިވާ ބައެއް ހަރަކާތްތަކާ ގުޅޭގޮތުން މި ބައްދަލުވުމުގައި ވަނީ މަޝްވަރާކުރައްވާފައެވެ.
އޭޝިއާގެ ސާފިންގެ މަގުބޫލް މަންޒިލަކަށް ހެދުމަށްޓަކައި ރާއްޖޭގެ އޮލިމްޕިކް ކޮމިޓީންނާއި ރާއްޖޭގެ ސާފިން އެސޯސިއޭޝަން ކުރަމުންދާ މަސައްކަތްތައް އޭޝިއާގެ ފެޑެރޭޝަނުން ވަނީ މި ބައްދަލުވުމުގައި ފާހަގަކުރައްވާފައެވެ.