އިނގިރޭސި ޕްރިމިއަރ ލީގުގެ ޗެލްސީއަށް ކުޅެމުން އައި މޭސަން މައުންޓް، މެންޗެސްޓާ ޔުނައިޓެޑަށް ސޮއިކޮށްފިއެވެ.
މައުންޓް ޔުނައިޓެޑަށް ސޮއިކޮށްފައިވަނީ 55 މިލިއަން ޕައުންޑްގެ އަގަކަށެވެ. ހަމައެއާއެކު އިތުރު ކަންތައްތަކާއެކު ފަސް މިލިއަން އިތުރުވެގެން ދިއުމަކީވެސް ވަރަށް ގާތްކަމެކެވެ. އަދި އޭނާ ސޮއިކޮށްފައިވަނީ ފަސް އަހަރު ދުވަހުގެ އެއްބަސްވުމެއްގެ ދަށުން ކަމަށް ހަބަރު ލިބެއެވެ. އަދި ދެފަރާތުން ބޭނުންވެއްޖެ ހާލަތެއްގައި އިތުރު އެއް އަހަރު އިތުރު ކުރުމުގެ ފުރުސަތު ލިބިގެންވެއެވެ.
ޔުނައިޓެޑަށް ސޮއިކުރުމަށްފަހު މައުންޓް ހާމަކުރިގޮތުގައި އުމުރުން އަހަރުން ފެށިގެން ކުޅެމުންދިޔަ ކްލަބް ދޫކޮށްލީ ޔުނައިޓެޑްގެ ކޯޗް އެރިކް ޓެން ހާގް އާއި އެކު ބޭއްވި މަޝްވަރާތަކުގައި އޭނާގެ ވިސްނުން ހުރިގޮތް އަޑުއެހުމަށްފަހުއެވެ. އަދި ޓެން ހާގްގެ ވިސްނުން ހުރިގޮތް އޭނާއަށް ވަރަށް ކަމުދިޔައީ ކަމުގައި މައުންޓް ހާމަކުރެއެވެ. އަދި ޓެން ހާގްގެ ކޯޗް ކަމުގެ ދަށުން ޔުނައިޓެޑުން ހޯދާފައިވާ ކުރިއެރުން ފާހަގަ ކުރަމުން މައުންޓް ވަނީ އޭނާއަކީ މުބާރާތްތައް ކާމިޔާބުކުރަން ބޭނުންވާ ކުޅުންތެރިއެއް ކަމަށާއި އެފުރުސަތު ޔުނައިޓެޑައެކު އޭނާއަށް ލިބިގެންދާނެކަމަށް އުންމީދު ކުރާ ކަމަށެވެ.
ޗެލްސީން ވަނީ ޔުނައިޓެޑުން އެންމެ ފުރަތަމަ ހުށަހެޅި ތިން ބިޑުވެސް ގަބޫލްނުކޮށް އަނބުރާ ފޮނުވާލާފައެވެ. ނަމަވެސް އުމުރުން އަހަރުގައި އެކްލަބާއި ގުޅުނު ކުޅުންތެރިއަކު ދޫކޮށްލަން ބޭނުންނުވި ނަމަވެސް މައުންޓްއާއެކު އާ އެއްބަސްވުމަކަށް އާދެވުމުގައި މައްސަލަތަކެއް ކުރިމަތިވުމުން އެންމެފަހުން ޔުނައިޓެޑާއެކު ޗެލްސީން އެއްބަސްވުމަކަށް އައީއެވެ. މައުންޓް ވަނީ ޗެލްސީއަށް 195 މެޗް ކުޅެދީ 33 ލަނޑު ޖަހާދީފައެވެ.