ބޮޑީބިލްޑިން އެސޯސިއޭޝަން އޮފް މޯލްޑިވްސް (ބީބީއޭއެމް) އިން އިންތިޒާމުކޮށްގެން ބޭއްވި މިސްޓަރ މޯލްޑިވްސް ޖެހިޖެހިގެން ތިންވަނަ ފަހަރަށް މުޙައްމަދު ޔާމީން (ޔާމްބެ) ހޯދައިފިއެވެ.
ޒުވާނުންގެ މަރުކަޒުގައި ބޭއްވި މި އަހަރުގެ މިސްޓަރ މޯލްޑިވްސްގެ މަޤާމު ޖެހިޖެހިގެން ތިންވަނަ ފަހަރަށް ޔާމްބެ ހޯދިއިރު، މިދިޔަ ދެ އަހަރުވެސް އޭނާ މި ޝަރަފު ހޯދިއެވެ. އަދި އެންމެ ފުރަތަަމަ މި ކާމިޔާބީ ހޯދާފައިވަނީ 2017 ވަނަ އަހަރުގައެވެ.
އެންމެ ވާދަވެރި ކެޓެގަރީ ކަމަށްވާ ސްޕޯޓްސް ފިޒީކް ކެޓެގަރީގެ ޗެމްޕިއަންކަން ހޯދާފައިވަނީ އަޒްނީން ރަޝާދެވެ. މިއީ މި ކެޓަގަރީގެ ޗެމްޕިއަންކަން އޭނާ ޖެހިޖެހިގެން ހޯދި ހަތަރުވަނަ ފަހަރެވެ.
މީގެ އިތުރުން އެތުލެޓިކް ފިޒީކް ކެޓެގަރީ ކާމިޔާބުކޮށްފައިވަނީ އަބްދުالله އަހުސަނެވެ. މިއީ އޭނާ މި ކެޓަގަރީ ކާމިޔާބުކުރި ދެވަނަ ފަހަރެވެ. މިއަހަރުގެ މުބާރާތުގައި ގިނަ އަދަދެއްގެ ޒުވާން އެތުލީޓުން ވާދަކޮށްފައިވެއެވެ.
މި މުބާރާތުގެ ކާމިޔާބީއަށްފަހު ސައުތު އޭޝިއަން ބޮޑީބިލްޑިން އެންޑް ފިޒިކްސް މުބާރާތް ރާއްޖޭގައި ބާއްވަން އަންނަނީ ތައްޔާރުވަމުންނެވެ. އެ މުބާރާތް ބާއްވަން ހަމަޖެހިފައިވަނީ މި މަހުގެ ފަހަކުން ނުވަވަނަ ދުވަހުގެ ނިޔަލަށެވެ. މިއީ މި މުބާރާތް މާލޭގައި ބާއްވާ ފުރަތަމަ ފަހަރެވެ.