އޭޝިއަން ކްރިކެޓް ކައުންސިލުން ބާއްވާ 16 އަހަރުން ދަށުގެ ކްރިކެޓް މުބާރާތުގެ ގުރޫޕް ސްޓޭޖް ފަހު މެޗުގައި އިންޑޮނޭޝިއާ އަތުން ބަލިވެ ރާއްޖެ މުބާރާތުން ކަޓައިފިއެވެ.
އިންޑޮނޭޝިއާގައި މިހާރު ކުރިއަށްދާ މި މުބާރާތުގައި އެ ޤައުމުން ރާއްޖެ ބަލިކުރީ 126 ލަނޑުންނެވެ. މެޗުގައި ޓޮސް ދިމާވުމުން ރާއްޖެއިން ނިންމީ ހޮވުމަށެވެ. އިންޑޮނޭޝިއާ ކުޅެން އަރާ 35 އޯވަރުގެ ތެރޭގައި 9 ކުޅެންތެރިން ނުބައިވެގެން ހެދުނީ 236 ލަނޑެވެ.
މެޗުގައި އިންޑަނޭޝިޔާ އިން އެންމެ ރަނގަޅަށް ކުޅުނީ ފުރަތަމަ ކުޅެން ނުކުތް ބެޓްސްމަން ސާހިލް އެވެ. އޭނާ ވަނީ 85 ބޯޅައިން 113 ލަނޑުހަދާ ސެންޗަރީ އެއް މެޗުގައި ފުރިހަމަ ކޮއްފައެވެ. ޖަވާބުގައި ރާއްޖެއިން ކުޅެން އަރާ 35 އޯވަރުގެ ތެރޭގައި 9 ކުޅުންތެރިން ނުބައިވި އިރު ހެދުނީ 110 ލަނޑެވެ. ރާއްޖެއިން އެންމެ ރަނގަޅަށް ކުޅުނީ 58 ބޯޅައިން 28 ލަނޑު ހަމަ ކުރި މަބްސަރެވެ. ރާއްޖޭގެ އާދަމް ހަލަފް ވަނީ 65 ބޯޅައިން 24 ލަނޑު ހަދާފައެވެ. މިމެޗުން ބަލިވުމާއެކު ރާއްޖެ މުބާރާތުން ކެޓީ އެއްވެސް މެޗަކުން މޮޅުނުވެވިއެވެ.
މުބާރާތުގައި ރާއްޖެއާއެކު ވާދަކުރީ ޤައުމުތަކަކީ މުބާރާތް ބާއްވާ މެލޭޝިއާގެ އިތުރުން ސިންގަޕޫރު، ހޮންގް ކޮންގް، ނޭޕާލް، ތައިލޭންޑް އަދި އިންޑޮނޭޝިއާ އެވެ. މި މުބާރާތް ކުރިއަށްދަނީ މެލޭޝިއާގެ ވެރިރަށް ކުއާލަ ލަމްޕޫރުގައި ޖޫން 24 އިން ޖުލައި 4 ގެ ނިޔަލަށެވެ.
މިއީ 2019 ވަނަ އަހަރުގެ ފަހުން ރާއްޖޭގެ 16 އަހަރުންދަށުގެ ޓީމެއް ބައިނަލްއަޤްވާމީ މުބާރާތެއްގައި ވާދަކުރާ ފުރަތަމަ ފަހަރެވެ.