ޔޫރޯ 2024 ކޮލިފައިން ގްރޫޕް ޖޭގައި ބޮސްނިއާއާ ދެކޮޅަށް ކުޅުނު މެޗު ޕޯޗުގަލުން ކާމިޔާބުކޮށްފިއެވެ.
ޕޯޗުގަލްގެ ލިޒްބަންގައި ކުޅުނު މިމެޗް އެޓީމް ކާމިޔާބުކުރީ 3-0 ގެ ނަތީޖާއަކުންނެވެ. ޕޯޗުގަލްގެ ފަރާތުން މޮޅު ކުޅުމެއް ފެނިގެންދިޔަ މިމެޗް ވެގެންދިޔައީ އެޓީމްގެ ކެޕްޓަން ކްރިސްޓިއާނޯ ރޮނާލްޑޯ ޤައުމީ ޓީމަށް ކުޅުނު 199 ވަނަ މެޗަށެވެ.
މިމެޗްގެ ފުރަތަމަ ލަނޑު ޕޯޗުގަލްއަށް ކާމިޔާބުކޮށްދިނީ މެޗްގެ 44 ވަނަ މިނެޓްގައި ބެނާޑޯ ސިލްވަރއެވެ. މިމެޗްގެ ފުރަތަމަ ހާފްގައި ރޮނާލްޑޯ ލަނޑެއް ޖެހިނަމަވެސް އެލަނޑުވަނީ އޮފް ސައިޑް ކަމަށް ދައްކާފައެވެ. އަދި ބޮސްނިއާގެ އެޑިން ޖެކޯއަށްވެސް ލަނޑު ޖަހާނެ ރަނގަޅު ފުރުސަތެއް މިހާފްގައި ލިބިގެންދިޔައެވެ.
މެޗްގައި ޕޯޗުގަލްގެ ދެވަނަ ލަނޑު މެޗްގެ 77 ވަނަ މިނެޓްގައި ޖަހާދިނީ ބްރޫނޯ ފެނާންޑޭޒްއެވެ. އަދި މެޗްގެ އިތުރު ވަގުތުގައި އެޓީމްގެ ތިންވަނަ ލަނޑު ޖަހާދިނީވެސް ފެނާންޑޭޒްއެވެ.
މި ކާމިޔާބީއާއެކު ޕޯޗުގަލް އުޅެނީ ކުޅުނު ތިން މެޗުން ލިބިފައިވާ 9 ޕޮއިންޓާއެކު ގްރޫޕް ޖޭގެ އެއްވަނައިގައެވެ. އަދި ބޮސްނިއާ އުޅެނީ ތިން މެޗުން ލިބިފައިވާ ތިން ޕޮއިންޓާއެކު ތާވަލްގެ ހަތަރު ވަނައިގައެވެ.