ޔޫރޯ 2024 ކޮލިފައިން ގްރޫޕް ސީގައި އިންގްލަންޑުން ފަސޭހަކަމާއެކު މޯލްޓާ ބަލިކޮށްފިއެވެ.
މޯލްޓާގައި ކުޅުނު މި މެޗު އިންގްލެންޑުން ކާމިޔާބުކޮށްފައިވަނީ 4-0 އިންނެވެ.
އިންގްލެންޑުގެ ފަރާތުން މޮޅު ކުޅުމެއް ފެނިގެންދިޔަ މި މެޗްގެ ފުރަތަމަ ލަނޑަކީ މެޗްގެ 8 ވަނަ މިނެޓްގައި މޯލްޓަރގެ ފެނާންޑޯ އަޕާޕް އަތުން ބައިކޮޅަށް ވަތް ގޯލެކެވެ. މެޗްގައި އިންގްލެންޑްގެ 2 ވަނަ ލަނޑު މެޗްގެ 28 ވަނަ މިނެޓްގައި ޖަހާދިނީ ޓްރެންޓް އެލެގްޒެންޑަރ އާނޯލްޑްއެވެ.
މި މެޗްގައި އެލެގްޒެންޑަރ އާލޯންޑް ކުޅެފައިވަނީ އޭނާ އާންމުކޮށް ކުޅޭ ފުލްބެކްގެ ރޯލްގެ ބަދަލުގައި މެދުތެރެއިންނެވެ. އަދި މިމެޗްގައި އޭނާގެ ފަރާތުން މޮޅު ކުޅުމެއް ފެނިގެންދިޔަ އެވެ.
މެޗްގައި އިންގްލެންޑުގެ 3 ވަނަ ލަނޑު މެޗްގެ 31 ވަނަ މިނެޓްގައި ލިބުނު ޕެނަލްޓީއަކުން ކާމިޔާބުކޮށްދިނީ ކެޕްޓަން ހެރީ ކޭންއެވެ. މިއީ އޭނާ އިންގްލެންޑަށް ކާމިޔާބުކޮށްދިން 50 ވަނަ ލަނޑެވެ. އަދި މިއާއެކު އޭނާ މިވަނީ ޔޫރޯ ކޮލިފައިންގ 11 މެޗްގައި ޖެހިޖެހިގެން ލަނޑު ޖަހާފައެވެ. މިމެޗްގައި އިންގްލެންޑުގެ ފަހު ލަނޑު މެޗްގެ 83 ވަނަ މިނެޓްގައި ލިބިގެންދިޔަ ދެވަނަ ޕެނަލްޓީގައި ކާމިޔާބުކޮށްދިނީ ބަދަލު ކުޅުންތެރިޔާ ކެލުމް ވިލްސަންއެވެ.
މި ކާމިޔާބީއާއެކު އިންގްލެންޑް މިވަނީ މިހާތަނަށް ކޮލިފައިންގ ގައި ކުޅުނު 3 މެޗްވެސް ކާމިޔާބުކޮށް ތާވަލްގެ އެއްވަނައިގައި 9 ޕޮއިންޓާއެކު ހަމަޖެހިލާފައެވެ. އަދި މޯލްޓަރއަށް 3 މެޗުން ޕޮއިންޓެއް ލިބިފައެއް ނުވެއެވެ.