ކުޅިވަރު ވަޞީލަތްތައް ޤާއިމުކުރެއްވުމަށް ކުރިއަށްގެންދަވާ މަޝްރޫޢުތަކުގެ ތެރެއިން ތ. ތިމަރަފުށި ފުޓްބޯޅަ ދަނޑުގެ ލައިޓިން ސިސްޓަމް ޤާއިމުކުރުމުގެ މަސައްކަތްކުރުމަށް ކޮންޓްރެކްޓަރުންނާއެކު އެއްބަސްވުމުގައި ސޮއިކޮށްފިއެވެ.
ތިމަރަފުށި ފުޓްބޯޅަ ދަނޑުގެ ލައިޓިން ސިސްޓަމް ޤާއިމުކުރުމުގެ މަސައްކަތް ކުޅިވަރާ ބެހޭ ވުޒާރާއިން ޙަވާލުކުރެއްވީ ތްރީ ޓްރީ މޯލްޑިވްސްއާއެވެ. މި އެއްބަސްވުމުގައި ކުޅިވަރާ ބެހޭ ވުޒާރާގެ ފަރާތުން ސޮއިކުރެއްވީ ޑެޕިއުޓީ މިނިސްޓަރ އަޙުމަދު ފުޢާދެވެ. އަދި ތްރީ ޓްރީ މޯލްޑިވްސްގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ އޮޕަރޭޝަންސް ކޮންސަލްޓެންޓް ހަސަން ފައިރޫޒެވެ.
ތިމަރަފުށި ފުޓްބޯޅަ ދަނޑުގެ ލައިޓިން ސިސްޓަމް ޤާއިމުކުރުމުގެ މަސައްކަތް ތްރީ ޓްރީ މޯލްޑިވްސްއާ ޙަވާލުކުރެއްވީ މަސައްކަތް ފަށާތާ 55 ދުވަހުގެ ތެރޭގައި ނިންމަން ޖެހޭ ގޮތަށެވެ. މި މަޝްރޫއަކީ ކުޅިވަރާ ބެހޭ ވުޒާރާގެ ބަޖެޓުން ދެ މިލިޔަން ތިންލައްކަ ސައްބީސްހާސް ސާޅީސް ހަތް ރުފިޔާ ޚަރަދުކޮށްގެން ކުރިިއަށްގެންދަން ނިންމާފައިވާ މަޝްރޫއެކެވެ.