މާފަރު އިންޓަރނޭޝަނަލް އެއަރޕޯޓުގައި ޖެޓުތަކެއް ޕާކު ކޮށްފައި، ފޮޓޯ- އައިލެންޑް އޭވިއޭޝަން
ނ.މާފަރު އެއަރޕޯޓްގެ ރަންވޭގެ މަސައްކަތުގައި ބޭނުން ކުރަމުންދިޔަ އެކްސްކަވޭޓަރެއް ފުރޮޅާލައި ހިނގި ހާދިސާގައި މީހަކު މަރުވެއްޖެއެވެ.
މިހާދިސާގައި މަރުވެފައިވަނީ އުމުރުން 35 އަހަރުގެ އިންޑިޔާގެ މީހެކެވެ. އޭނާއަކީ އެކްސްކަވޭޓަރު ދުއްވަން އިން ޑްރައިވަރެވެ.
ފުލުހުން ވިދާޅުވީ މާފަރު އެއަރޕޯޓްގެ ރަންވޭގެ މަސައްކަތުގައި ބޭނުންކުރަމުންދިޔަ އެކްސްކަވޭޓަރެއް ފޮރޮޅާލައި އަނިޔާވި މީހަކު މާފަރު ހެލްތު ސެންޓަރަށް ގެންދިޔައިރުވެސް ނިޔާވެފައިވާ ކަމަށް ހެނދުނު 9.27 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
މިހާދިސާއާއި ގުޅިގެން އިތުރަށް ބަލަންޖެހޭ ކަންކަން ފުލުހުން ބަލަމުން އަންނަ ކަމަށް ފުލުހުންގެ ޚިދުމަތުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ