ކުޅިވަރު ވަޞީލަތްތައް ޤާއިމުކުރެއްވުމަށް ކުރިއަށްގެންދަވާ މަޝްރޫޢުތަކުގެ ތެރެއިން ހދ. ހަނިމާދޫ ފުޓްބޯޅަ ދަނޑުގެ ލައިޓިން ސިސްޓަމް ޤާއިމުކުރުމުގެ މަސައްކަތް ބަޔަކާ ޙަވާލުކުރައްވައިފިއެވެ.
މި އެއްބަސްވުމުގައި ސޮއިކުރެއްވީ ކުޅިވަރާބެހޭ ވުޒާރާގައި ބޭއްވެވި ރަސްމިއްޔާތެއްގައެވެ. ހަނިމާދޫ ފުޓްބޯޅަ ދަނޑުގެ ލައިޓިންގ ސިސްޓަމް ޤާއިމުކުރުމުގެ މަސައްކަތް ހަވާލުކުރެއްވީ ތިޙްނާން އިންވެސްޓްމެންޓާއެވެ.
މި އެއްބަސްވުމުގައި ކުޅިވަރާބެހޭ ވުޒާރާގެ ފަރާތުން ސޮއިކުރެއްވީ ޑެޕިއުޓީ މިނިސްޓަރ އަޙުމަދު މުޙައްމަދެވެ. އަދި ތިޙްނާން އިންވެސްޓްމެންޓުގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ ޕްރޮޖެކްޓް މެނޭޖަރ މުޙައްމަދު ލަޠީފެވެ.
މި މަސައްކަތް އެ ކުންފުންޏާ ޙަވާލުކުރެއްވީ މަސައްކަތް ފަށާތާ، 44 ދުވަހުގެ ތެރޭގައި ދަނޑުގައި ލައިޓް ހަރުކޮށް ނިންމަންޖެހޭ ގޮތަށެވެ. މި މަޝްރޫއަކީ ކުޅިވަރާބެހޭ ވުޒާރާގެ ބަޖެޓުން ދެ މިލިޔަން ފަސްލައްކަ ހަތްދިހަ ތިންހާސް އަށްސަތޭކަ ސާޅީސް ނުވަ ރުފިޔާ އަށްޑިހަ ތިން ލާރި ޚަރަދުކޮށްގެން ކުރިިއަށްގެންދަން ނިންމާފައިވާ މަޝްރޫއެކެވެ.