އެމް.އެން.ޑީ.އެފްގެ ކަނޑުމަތީގެ އުޅަނދެއް--
މާލެއިން ފުރައިގެން ދ.މީދޫއަށް ދަތުރުކުރަނިކޮށް ރާޅެއް އަރައިގެން ދިޔަވާ ކަމުގެ މަޢުލޫމާތު ލިބުނު ލޯންޗް ސަލާމަތްތެރިކަމާއެކު ދ.މީދޫ ބަނދަރަށް ވަދެފައިވާ ކަމަށް މޯލްޑިވްސް ނޭޝަނަލް ޑިފެންސް ފޯސް، އެމްއެންޑީއެފްއިން ހާމަކުރައްވައިފިއެވެ.
"ވިޝަން އެކްސްޕްރެސް" ނަމަކަށް ކިޔާ މިލޯންޗުގައި 30 މީހުން ތިބި ކަމަށް އެމްއެންޑީއެފްއިން ހާމަކުރައްވައެވެ. މީގެ ތެރޭގައި އަންހެނުންނާއި ކުޑަކުދިން ހިމެނެއެވެ. މިލޯންޗުން ދަތުރުކުރި އެންމެންގެ ހާލުވެސް ރަނގަޅު ކަމަށް އެމްއެންޑީއެފްއިން މަޢުލޫމާތުދެއްވައެވެ.
މިދޯންޏަށް ރާޅު އަރާފައިވަނީ ފ.ފީއަލީގެ 7 ނޯޓިކަލް މޭލު ބޭރުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ