އެސްޓީއޯގެ ޑިރެކްޓަރުންގެ ބޯޑުގައި ޢާންމު ޙިއްޞާދާރުން ތަމްސީލުކުރާ ޑިރެކްޓަރުކަމަށް 4 ނަމެއް

އެސްޓީއޯގެ ޑިރެކްޓަރުންގެ ބޯޑުގައި އާންމު ޙިއްޞާދާރުންގެ ތަމްސީލްކުރާ ޑިރެކްޓަރުކަމުގެ މަޤާމަށް 4 ބޭފުޅަކު ވާދަކުރައްވާނެކަމަށް އެ ކުންފުނިން ބުނެފިއެވެ.

އެސްޓީއޯގެ ޑިރެކްޓަރުންގެ ބޯޑަށް އާންމު ޙިއްޞާދާރުން ތަމްސީލްކުރާ މެންބަރުކަމަށް ކުރިމަތިލުމުގެ ފުރުޞަތު ހުޅުވާލީ 1 އޭޕްރީލްގައެވެ. އެ މުއްދަތު ހަމަވީ 24 އޭޕްރިލްގައެެވެ.

މި މުއްދަތުގެ ތެރޭގައި 5 ފަރާތަކުން ކުރިމަތިލާފައިވާ ކަމަށާއި، މީގެތެރެއިން އިންޓަވިއުއަށް ޙާޟިރުވެފައިވަނީ 4 ފަރާތަކުންކަމަށްވެސް އެސްޓީއޯއިން ބުނެއެވެ. އިންޓަވިއުއަށް ޙާޟިރުވި ހުރިހާ ކެންޑިޓޭޓޫންނަކީވެސް އެ މަޤާމަށް އިންތިޚާބްކުރުމަށް ޤާބިލް ފަރާތްތަކެއްކަމަށް އެސްޓީއޯގެ ބޯޑުން ވަނީ ފާސްކޮށްފައެވެ.

އެސްޓީއޯގެ ޑިރެކްޓަރުންގެ ބޯޑަށް އާއްމު ޙިއްޞާދާރުންގެ ފަރާތުން ކުރިމަތިލި ކެންޑިޑޭޓުންނަކީ،

* މ.މެއިންޒް - ފާޠިމަތު ޒުބްނާ ޢަދުނާނު
* ވ.ޝެހެނާޒް މަންޒިލް - ޢަބްދުﷲ ސަޢީދު،
* މއ.ޓިއުލިޕް ވިލާ - މުޙައްމަދު އަޙުސަން ސަލީމް
* ހ.ރީނދޫ ކޮކާ - ޢާއިޝަތު ޙުސައިން މަނިކު

އެސްޓީއޯގެ ޑިރެކްޓަރުންގެ ބޯޑުގައި ޢާންމު ޙިއްޞާދާރުންގެ ފަރާތުން މެންބަރަކު ޢައްޔަންކުރުން އޮންނާނީ އެ ކުންފުނީގެ އަހަރީ އާންމު ޖަލްސާގައެވެ. އަހަރީ އާންމު ޖަލްސާގައި ޙިއްޞާދާރުންގެ މެދުގައި ވޯޓެއް ނަގާނެއެވެ.

7 މެމްބަރުން ތިއްބަވާ އެސްޓީއޯގެ ބޯޑުގައި ޢާއްމު ޙިއްޞާދާރުން ތަމްސީލްކުރާ 1 ޑިރެކްޓަރ އަދި ސަރުކާރުގެ ފަރާތުން 6 ޑިރެކްޓަރުން ތިއްބަވައެވެ.