މާލެއިން ފުރައިގެން ވ.އަތޮޅަށް ދަތުރުކުރަމުން ދިޔަ މުދާ އުފުލާ ބޯޓެއްގެ ޚަބަރެއް ނުވެގެން އެބޯޓް ހޯދުމަށް އެމްއެންޑީއެފް ސަރޗް އެންޑް ރެސްކިއު އިން ކުރިއަށް ގެންދިޔަ އޮޕަރޭޝަންގެ ތެރެއިން މިބޯޓުން ދަތުރުކުރި 6 މީހުން އެމްއެންޑީއެފް ކޯސްޓްގާޑުން ސަލާމަތްކޮށްފައިވާ ކަމަށް އެމްއެންޑީއެފްއިން ހާމަކުރައްވައިފިއެވެ.
މިމީހުން ފެނިފައިވަނީ ކޯސްޓްގާޑުން ހޯދަމުންދިޔަ ސަރަހައްދު ތެރެއިން އެމްއެންޑީއެފް ޑޯނިއަރ އެއަރކްރާފްޓަށް ކަމަށް
އެމްއެންޑީއެފްއިން މަޢުލޫމާތުދެއްވާއެވެ. މި 6 މީހުން ކޯސްޓްގާޑް ޝިޕް ޣާޒީއަށް ނަގާފައިވާއިރު އެންމެންގެ ހާލުވެސް ރަނގަޅު ކަމަށް އެމްއެންޑީއެފްއިން މަޢުލޫމާތުދެއްވައެވެ.
މިމީހުން ދަތުރުކުރި "ސަވާރީ" ނަމަކަށް ކިޔާ ބޯޓު އަޑިއަށް ގޮސްފައިވާ ކަމަށް ކެޕްޓަނާ ހަވާލާދީން އެމްއެންޑީއެފްއިންވަނީ ހާމަކުރައްވާފައެވެ.
މިދުވަސްވަރަކީ މޫސުން ގޯސްވެ ކަނޑު ގަދަ ދުވަސްވަރެއްކަމުން ކަނޑުދަތުރު ކުރާ ފަރާތްތަކުން މޫސުމަށް ސަމާލުވުމަށް ކަމާބެހޭ ފަރާތްތަކުން އަންނަނީ އިލްތިމާސްކުރައްވަމުން.