ރ. އަތޮޅު އިނގުރައިދޫ ބަނދަރު - ފޮޓޯ: ޕީއެސްއެމް ނިއުސް ފައިލް
ރ. އިނގުރައިދޫގައި ފަޅަށް ވަންނަން އުޅުނު ސަފާރީއެއްގައި ޖެހި މީހަކު މަރުވެއްޖެއެވެ.
މިއަދު އިރު އޮއްސުނު ވަގުތު ހިނގި އެ ހާދިސާގައި މަރުވީ ރަސްގެތީމު ކައުންސިލްގެ ކުރީގެ ނާއިބު ރައީސް، ޢުމުރުން 55 އަހަރުގެ މުޙައްމަދު އިބްރާހީމެވެ.
އިނގުރައިދޫ ހެލްތް ސެންޓަރާ ހަވާލާދީ ފުލުހުން ވިދާޅުވީ، އޭނާ ހޮސްޕިޓަލަށް ގެންދިޔައިރު ވެސް މަރުވެފައިވާކަމަށެވެ. ފުލުހުން ވިދާޅުވީ އޭނާ ނިޔާވެފައިވަނީ ސަފާރީ ރަށު ފަޅަށް ވަންނަ އުޅުމުގެ ތެރޭގައި ބުރަފަތީގައި ވައު އޮޅިގެން، ވައު ނެއްޓުމަށް ފޭބި ވަގުތު ބުރަފަތީގައި ޖެހިގެން ކަމަށެވެ. ވައު ނައްޓަން ފޭބިއިރު އިންޖީނު ނިއްވާނުލާ ކަމަށް މަޢުލޫމާތު ލިބިފައިވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ