އިންޑިއާގެ ޑިފެންސް މިނިސްޓަރ ރާޖްނާތު ސިންގ، ޚާރިޖީ ވަޒީރު ޢަބްދުﷲ ޝާހިދާ ބައްދަލުކުރައްވައިފިއެވެ.
ފޮރިން މިނިސްޓްރީގައި ބޭއްވެވި ބައްދަލުކުރެއްވުމުގައި މިިނިސްޓަރ ޝާހިދު ވަނީ އިންޑިއާގެ ޑިފެންސް މިނިސްޓަރަށް މަރުހަބާ ވިދާޅުވެ، ރާއްޖެ އާއި އިންޑިއާގެ ޒަމާންވީ ގުޅުމުގެ މައްޗަށް އަލިއަޅުއްވާލައްވައި ވާހަކަފުޅުދައްކަވާފައެވެ. އަދި ރާއްޖޭގެ އަސްކަރިއްޔާ އާއި ސަލާމަތީ ޚިދުމަތްތައް ކުރިއެރުމަށް އިންޑިއާއިން ދެމުން އަންނަ އެހީތެރިކަންވެސް ޝާހިދުގެ ވާހަކަފުޅުގައި ފާހަގަކުރެއްވިއެވެ.
Minister of Defence of India @rajnathsingh calls on Minister of Foreign Affairs @abdulla_shahid. Reviewed the ongoing defence cooperation between the two countries and both the Ministers reaffirmed commitment to collaborate on further areas to cement the defence partnership. pic.twitter.com/e1wjbjxNDP
— Ministry of Foreign Affairs ?? (@MoFAmv) May 1, 2023
މި ބައްދަލުކުރެއްވުމުގައި ދެޤައުމުގެ ދެމެދުގައި އޮތް ދިފާޢީ ގުޅުމުގެ ތެރެއިން، ޙާޞިލުކުރެވިފައިވާ މުހިންމު ކާމިޔާބީތަކުގެ މައްޗަށް ދެ ބޭފުޅުންވެސް އަލިއަޅުއްވާލެއްވިއެވެ. އަދި ކުރިއަށް އޮތްތަނުގައި ދިފާއީ ދާއިރާއިން ދެ ޤައުމުގެ ގުޅިގެން އިތުރަށް ބަދަހިިކޮށް، އެގޮތުގެ މަތިން މަސައްކަތް ކުރައްވާނެކަމުގެ ޔަޤީންކަން ދެ ބޭފުޅުންވެސް ވަނީ ދެއްވާފައެވެ.
އިންޑިއާގެ ޑިފެންސް މިނިސްޓަރ މިއަދު ރާއްޖެ ވަޑައިގެންނެވީ 3 ދުވަހުގެ ރަސްމީ ދަތުރުފުޅެއްގައެވެ.