މީހެއްގެ ފޯނެއް ފޭރިގަންނަން މަސައްކަތްކޮށް ކަންފަތުގައި ދަތްއަޅައި ޒަހަމުކޮށްލި މީހާ - ފޮޓޯ: ސޯޝަލް މީޑިއާ
މިސްކިތުގައި ހުރި މީހެއްގެ ފޯނު ފޭރިގަންނަން މަސައްކަތްކޮށް އެމީހާގެ ކަންފަތުގައި ދަތްއަޅައި ޒަހަމުކޮށްލި މީހަކު ފުލުހުންގެ ބެލުމުގެ ދަށަށް ގެނެސްފިއެވެ.
މިއަދު ހެނދުނު 09:35 ހާއިރު ފުލުހުންނަށް ހުށަހެޅި މި މައްސަލައާ ގުޅިގެން ފުލުހުންގެ ބެލުމުގެ ދަށަށް ގެނެސްފައިވަނީ 24 އަހަރުގެ ދިވެހި ފިރިހެނެކެވެ.
މި މައްސަލައާ ގުޅިގެން ފުލުހުންގެ ބެލުމުގެ ދަށަށް ގެނެސްފައިވާ މިހާއަކީ، މަސްތުވާތަކެތީގެ ގިނަ ޢަދަދެއްގެ މައްސަލަތަކާއި ވައްކަމާއި ފޭރުމާއި މުދަލަށް ގެއްލުންދިނުމުގެ މައްސަލަތަކުގެ ރެކޯޑް މޯލްޑިވްސް ޕޮލިސް ސަރވިސްގައި އޮންނަ މީހެއް ކަމަށް ފުލުހުން ވިދާޅުވެއެވެ. ފުލުހުން މަޢުލޫމާތުދޭގޮތުގައި މި މީހާގެ މައްޗަށް ތުހުމަތު ކުރެވޭ 2 މައްސަލައެއްގައި ދައުވާކުރުމަށް ޕްރޮސެކިއުޓަރ ޖެނެރަލްގެ އޮފީހަށް ފޮނުވާފައިވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ