ދިވެހި އަސްކަރިއްޔާއިން ކަނޑުމަތީގެ ތަމްރީނެއް މާދަމާ ކުރިއަށްގެންދެވުމަށް ހަމަޖައްސަވާފައިވާތީ އެކަމަށް ސަމާލުކަން ދެއްވުމަށް އިލްތިމާސްކުރައްވައިފިއެވެ.
އެމްއެންޑީއެފްއިން ވިދާޅުވީ ކަނޑުމަތީގެ ތަމްރީން ކުރިއަށްދާނީ ހުޅުމާލޭގެ އިރުމަތީ ފަރާތުން 11 ނޯޓިކަލް މޭލު ބޭރުގައި، މާދަމާ ހެނދުނު 6:00 އިން ހަވީރު 5:30 އަށެވެ.
އެމްއެންޑީއެފްއިން ވިދާޅުވީ އަސްކަރީ ތަމްރީންގައި ބޭނުންކުރާ ބަޑީގެ ވަޒަން ދަތުރުކުރާނީ ހުޅުމާލޭގެ އިރުމަތީ ފަރާތުން 11 ނޯޓިކަލް މޭލު ބޭރުން، 5000 މީޓަރު ދުރުމިނަށްކަމަށެވެ. އެހެންކަމުން ތަމްރީން ކުރިއަށްގެންދަވާ ވަގުތު އެކަމަށް ސަމާލުކަން ދެއްވުމަށް އެމްއެންޑީއެފްއިން އިލްތިމާސްކުރައްވައެވެ.
މިއީ އަސްކަރިއްޔާގައި މަސައްކަތްކުރައްވާ ސިފައިންގެ ޤާބިލުކަމާއި ހުނަރު ތަރައްޤީކުރެއްވުމަށް ބާއްވަވާ މި ތަމްރީނެއްކަމަށް އެމްއެންޑީއެފްއިން ވިދާޅުވެއެވެ.