ޖަނަވާރުންނަށް ކަމޭހިތުމަކީ އިސްލާމްދީނުގައި އެކަމަކަށް ވަރަށް ބޮޑަށް ބާރުއަޅާ ކަމެކެވެ. ރަސޫލާ ޞައްލަﷲ އަލައި ވަސައްލަމުގެ ދިިރިއުޅުމުންވެސް އެކަމަކަށް މިސާލު ދައްކަވާފައިވާ ކަންކަމެވެ. ޚާއްސަކޮށް ބުޅަލަކީ އިސްލާމްދީނުގައި އެންމެ މަތިން ދަރަޖަދެވިފައިވާ ޖަނަވާރުވެސްމެއެވެ.
ބުޅަލަކީ އެ ޖަނަވާރަކާއި ގުޅޭގޮތުން އެކިއެކި ޙަދީސްތައްވެސް އައިސްފައިވާ ޖަނަވާރެކެވެ. އެގޮތުން ޙަދީޡް ބަސްފުޅެއްގައި ވެއެވެ. ބުޅަލެއްގެ ސަބަބުން އަންހެނަކު ނަރަކައަށް ލެއްވުނެވެ. އެއީ އެއަންހެން މީހާ އެ ބުޅާ ބަނދެ އެއަށް ކާން ނުދީ ބޭންދުމުގެ ސަބަބުންނެވެ. އަދި އެ ބުޅާ މިނިވަންވެގެން ގޮސް އަމިއްލައަށް ކާ އެއްޗެތި ހޯދާ ކެއުމުންވެސް މަހުރޫމުކުރުުމުންނެވެ.
ހަމައެކަނި މި ޙަދީޡް ބަސްފުޅުންވެސް އިސްލާމްދީނުގައި ބުޅަލަށް ދެވިފައިވާ ގަދަރާއި ދަރަޖަ ހާމަވެއެވެ.
ކަންމިހެން އޮތްއިރު މިއަދު ސޯޝަލް މީޑިއާގައިވެސް މިފަދަ ވީޑިއޯއެއްވަނީ އާއްމުވެފައެވެ. އެއީ މިދިޔަ ހޯމަ ދުވަހު އަލްޖީރިއާގެ މިސްކިތެއްގައި ތަރާވީޙް ނަމާދު ކުރިއަށް ދިޔަ ވަގުތު، މިސްކިތުގެ އިމާމުގެ ގަޔަށް ބުޅަލެއް ފުއްމާލާ އިމާމުގެ ކޮނޑު މައްޗަށް އެރި ވީޑިއޯއެވެ. ކޮއްޅަށްހުރެ އިމާމު ޤުރުއާން ކިޔަވަމުންދަނިކޮށް، ބުޅާ ފުއްމާލީ އިމާމުގެ އަތްމައްޗަށެވެ. ބުޅާ ފޮޅާލާ، އެއަށް ރުޅިވެރިކަންދެއްކުމުގެ ބަދަލުގައި އިމާމު މީހާ ބުޅާލުގެ ގައިގާ ފިރުމާލާ، ބުޅާ ވެއްޓުނަ ނުދިނުމަށް ހިފަހައްޓައިގެންވެސް ހުއްޓެވެ. އަދި އެ ބުޅާ އިމާމުގެ ކޮނޑުމައްޗަށް އެރިއެވެ.
ވީޑިއޯއިން ފެންނަނީ އިމާމު މީހާ ހުރިގޮތަށްހުރެ ނަމާދައިގެން ކުރިއަށްދާތެނެވެ. އިމާމުގެ ކޮނޑުމަތީގައި ބުޅާ އިށީނދެލައިގެން އިނދެ ކުޑައިރުކޮޅަކަށްފަހު ބުޅާ ފުންމާލައިގެން، ދިޔައީއެވެ.
A cat jumped on an Imam as he recited a Ramadan prayer during a live broadcast in Algeria ? pic.twitter.com/hYzbYFW013
— Al Jazeera English (@AJEnglish) April 5, 2023
މި ވީޑިއޯ ސޯޝަލް މީޑިއާގައި ޙިއްސާކުރުމަށްފަހު، އެތައް ބައެއްގެ ޝައުގު އެކަމަށް ހުއްޓުނެވެ. އެންމެންވެސް ދައްކަމުންދިޔައީ، އިސްލާމްދީނުގައި ޖަނަވާރުންނަށް އޮތް އަޅާލުމާއި ލޯބީގެ ވާހަކައެވެ. އަދި އެ އިމާމު ބުޅަލަށް ދިން ގަދަރުގެ ވާހަކައެވެ. މިއީ އިސްލާމްދީނުގައި އޮތް ހިތްހަމަޖެހުމާއި މިނިވަންކަމުގެ މިސާލެއްކަމަށް މި ވީޑިއޯއަށް ކޮމެންޓްކުރި ގިނަ ބަޔަކު ސިފަކުރިއެވެ.
އިސްލާމް ދީނުުގައި ބުޅަލަކީ ސާފު ތާހިރު ޖަނަވާރެއްގެ ގޮތުގައި ދެކެވެ. އަދި މިއީ ގޭގައާއި، އަދި މިސްކިތްތަކުގައިވެސް އުޅުން ހުއްދަ ޖަނަވާރެކެވެ. މަސްޖިދުލް ހަރަމްގައިވެސް ބުޅާ އުޅެއެވެ.
ރަސޫލާ ޞައްލަﷲ އަލައިހި ވަސައްލަމް، ޚުތުބާ ދެއްވާ ވަގުތުގައިވެސް އުނގުމަތީގައި ބުޅާ އޮތަދޭކަމަށްވެއެވެ.
ބުޅަލަށް އަދި އެހެން ޖަނާވަރުންނަށްވެސް އިހާނެތިކޮށް ހިތުމަކީ ދީނުގައި އެކަން މަނާކުރައްވާފައިވާކަމެކެވެ. ތިބާގެ އާއިލާއާއި އަޚުންނާ އުޚުތުންނަށް ދޭ އިޚުތިރާމާއި ގަދަރު، ޖަނަވާރުންނަށްވެސް ދޭން ޖެހޭކަމަށް އައިސްފައިވެއެވެ.