ތިލަފުށީ ބްލޮކެއްގައި ރޯވި އަލިފާން ނިއްވާލައިފިއެވެ. މިއަލިފާން ނިއްވާލާފައިވަނީ އެމްއެންޑީއެފް މާލެ އޭރިއާ ކޮމާންޑް ތިލަފުށީ ފަޔަރ ސްޓޭޝަނާއި މާލެ ފަޔަރ ސްޓޭޝަނުން ކުރި މަސައްކަތުން މިއަދު މެންދުރު 14:30 ހާއިރުއެވެ.
މިހާދިސާގެ މަޢުލޫމާތު އެމްއެންޑީއެފްއަށް ލިބިފައިވަނީ މިއަދު މެންދުރު 12:45 ހާއިރުއެވެ. މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވެއެވެ.
އެމްއެންޑީއެފްއިން ވިދާޅުވީ އަލިފާން ރޯވެފައިވަނީ ތިލަފުށީގައި ހުރި މުޙުޔިއްދީން ނަމަކަށް ކިޔާ 2 ބުރިއަށް ހަދާފަ ހުރި އިމާރާތެއްގައި ކަމަށެވެ. މިއިމާރާތުގެ ގްރައުންޑް ފްލޯރއަކީ ލަކުޑި ގުދަނެއް ކަމަށާއި، އަދި މަތީބައި ބޭނުން ކުރަނީ އެކޮމޮޑޭޝަން ބްލޮކެއްގެ ގޮތުގައި ކަމަށްވެސް އެމްއެންޑީއެފްއިން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ