ކަރަންޓް ކެނޑުނު ފްލެޓްތަކަށް ކަރަންޓް ދިނުމަށް ވަގުތީ އާރުއެމް ބެހެއްޓުމުގެ މަސައްކަތުގެ ތެރެއިން
ކަރަންޓް ކެނޑުނު ހުޅުމާލޭ ދެވަނަ ފިޔަވަހީގައި ހުންނަ ހިޔާ ފްލެޓްތައް ހިމެނޭ 8 ޓަވަރަށް އަލުން ކަރަންޓު ދީފިއެވެ.
ސްޓެލްކޯއިން ބުނީ މިއަދު އިރުއޮއްސެނިކޮށް ހިޔާ ޓަވަރު 1 އިން ފެށިގެން ހިޔާ ޓަވަރު 8 އާ ހަމައަށް ހުރިހާ ޓަވަރަކުން ކަރަންޓު ކެނޑުނީ ފުރަތަމަ ޓަވަރުގެ ސަބްސްޓޭޝަންގެ ސްވިޗް ގިއަރގެ ބަސްބާ ޝޯޓުވުމާއި ގުޅިގެންކަމަށެވެ.
ސްޓެލްކޯއިން ބުނީ ވަގުތީ އާރުއެމް ޔުނިޓެއް ބަހައްޓައިގެން ކަރަންޓް ކެނޑުނު ފްލެޓްތަކަށް މިރޭ 9:30 ހާއިރު ކަރަންޓް ދީފައިވާކަމަށެވެ،
ހިޔާ ޓަވަރުގެ ކަރަންޓު ވަޔަރިން މަސައްކަތްތައް ކޮށްފައިވަނީ އެ ޕްރޮޖެކްޓްގެ ކޮންޓްރެކްޓަރެވެ. ނަމަަވެސް ފްލެޓްތަކަށް ކަރަންޓު ފޯރުކޮށްދެނީ ސްޓެލްކޯގެ ކަރަންޓު ވިއުގައިންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ