ސްޓޭޓް ޓްރޭޑް އޯގަނައިޒޭޝަން (އެސްޓީއޯ)ގެ މެނޭޖިންގ ޑައިރެކްޓަރ ހުސެއިން އަމްރު/ ފޮޓޯ- ޕީއެސްއެމް ނިއުސް
ސްޓޭޓް ޓްރޭޑިން އޮގަނައިޒޭޝަން، އެސްޓީއޯގެ މިހާރުގެ މެނޭޖިންގ ޑިރެކްޓަރުކަމުގެ މަޤާމުން ހުސެއިން އަމްރު ވަކިކޮށްފިއެވެ.
ރައީސުލްޖުމްހޫރިއްޔާގެ އޮފީހުން ވިދާޅުވީ އެސްޓީއޯގެ މިހާރުގެ މެނޭޖިންގ ޑިރެކްޓަރުކަމުގެ މަޤާމުން އަމްރު ވަކިކުރަން ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު، ޕީސީބީއަށް ފޮނުވުމުން މިހާރު މަޤާމުން ވަކިކޮށްފައިވާކަމަށެވެ.
ރައީސް އޮފީހުން ވިދާޅުވީ ސަރުކާރު ކުންފުނިތަކުގެ ހިންގުމަށް އަބަދުވެސް ބަދަލުތައް ގެންނަ ކަމަށާއި އަމްރު މަޤާމުން ވަކިކޮށްފައިވަނީ އެފަދަ ބަދަލެއްގެ ތެރެއިންކަމަށެވެ.
އެސްޓީއޯގެ މެނޭޖިން ޑިރެކްޓަރުގެ މަޤާމުން އަމްރު ވަކި ކުރުމާއެކު ވަގުތީގޮތުން އެކުންފުނި ހިންގެވުމާ ހަވާލުވާނީ އެ ކުންފުނީގެ އެގްޒެކެޓިވް ޑިރެކްޓަރ، ޗީފް ފައިނޭންޝިއަލް އޮފިސަރ މުޙައްމަދު ނިޒާމް ކަމަށް އެސްޓީއޯއިން ބުނެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ