އިންޓަނެޓާއި ޓެކްނޮލޮޖީ ބޭނުން ކުރުމުގައި އަންހެނުންނަށް އިތުރު ފުރުސަތުތައް ހޯދައިދީގެން މެނުވީ ޑިޖިޓަލް މުސްތަގުބަލެއް ނުހޯދޭނެކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
މިއަދު ފާހަގަކުރާ ބައިނަލްއަޤްވާމީ އަންހެނުންގެ ދުވަހުގެ މުނާޞަބަތުގައި ދުވަހުގެ ތަހުނިޔާ ފޮނުއްވާ ރައީސުލްޖުމްހޫރިއްޔާ ކުރެއްވި ޓްވީޓްގައި ވަނީ މުޖުތަމަޢު ކުރިއެރުވުމުގައި އަންހެނުން އަދާކުރަމުން އަންނަނީ މުހިންމު ދައުރެއްކަމަށެވެ. އެއީ ބަދަލުނުކުރެވޭނެ ދައުރެއްކަން މިއަދު ހަނދާންކޮށްދޭކަމަށް ރައީސުލްޖުމްހޫރިއްޔާ ވިދާޅުވިއެވެ.
އެމަނިކުފާނު ވަނީ ޑިޖިޓަލް މުސްތަޤްބަލެއް ބައްޓަންކުރުމަށް އަންހެނުންފެ ދައުރުގެ މުހިންމުކަން ފާހަގަކުރައްވާ ވަކި ޖިންސަކަށް ވީތީ ގެންގުޅޭ ތަފާތުކުރުން ނައްތާލުމަށް އިތުރު ސަމާލުކަން ދިނުމަށް ގޮވާލައްވާފައެވެ.
On this International Women’s Day, we are reminded of the undeniably irreplaceable role women play in uplifting our communities. More focus should be devoted to bridging the gender digital divide to ensure women are empowered to shape the digital future.
— Ibrahim Mohamed Solih (@ibusolih) March 8, 2023
ކޮންމެ އަހަރެއްގެވެސް މާރޗްމަހުގެ 8 ވަނަ ދުވަސް ފާހަގަކުރަމުން އަންނަނީ ބައިނަލްއަޤްވާމީ އަންހެނުންގެ ދުވަހުގެ ގޮތުގައެވެ. މިއަހަރުގެ މިދުވަސް ފާހަގަކުރުމަށް އދ. އިން ކަނޑައަޅާފައިވާ ޝިއާރަކީ "ޑިޖިޓަލް އޯލް: އިނޮވޭޝަން އެންޑް ޓެކްނޮލަޖީ ފޯރ ޖެންޑަރ އިކުއެލިޓީ" އެވެ.
އަންހެނުންގެ ދުވަހެއް ފާހަގަކުރުމުގެ ބޭނުމަކީ ދިރިއުޅުމުގެ އެކި މަރުހަލާތަކުގައި އަންހެނުންނަށް ދިމާވާ ގޮންޖެހުންތަކުން އަރައިގަތުމަށް މިކަމުގައި ޝާމިލްވާ ހުރިހާ ފަރާތްތަކެއް ގުޅިގެން މަސައްކަތްކުރުމަށް ބާރުއެޅުމެވެ.
ރާއްޖޭގެ އާބާދީގެ ދެބައިކުޅަ އެއްބައި ހިއްސާ ކުރަނީ އަންހެނުންނެވެ.