ބްރޯޑްކާސްޓިން ކޮމިޝަނުގައި ޕެސްޓް ކޮންޓްރޯލް މަސައްކަތެއްކުރުމަށް އެކޮމިޝަން މިއަދު ބަންދުވާނެކަމަށް ވިދާޅުވެއްޖެއެވެ.
ބްރޯޑްކޮމުން ނެރެފައިވާ ބަޔާނެއްގައި ވަނީ އެކޮމިޝަން ހިންގަމުން އަންނަ g.ބިއްލޫރިޖެހިގޭ ޢިމާރާތުގައި މީދާ ގިނަވެ، އެކަމުގެ ސަބަބުން އުނދަގޫވެ ކޮމިޝަނުގެ މަސައްކަތްތަކަށް ބުރޫއަރަމުންދާކަމަށެވެ. އެކަމަށް ހައްލެއް ގެނައުމުގެ ގޮތުން ޕެސްޓް ކޮންޓްރޯލް ކުރުމުގެ މަސައްކަތް ކުރުމަށް ހަމަޖެހިފައިވާކަމަށް ބްރޯޑްކޮމްއިން ނެރުނު ބަޔާނުގައިވެއެވެ.
ޚާއްސަ ދެންނެވުން - ޕެސްޓް ކޮންޓްރޯލް މަސައްކަތްތަކެއް ކުރުމަށް ބުރާސްފަތި ދުވަސް (16 ފެބްރުއަރީ 2023) ކޮމިޝަން ބަންދު ދުވަހެއްގެ ގޮތުގައި ނިންމުމާ ގުޅޭ. pic.twitter.com/Cjpr3ji8o5
— MVbroadcom (@broadcomMV) February 15, 2023
އެހެންކަމުން މިއަދަކީ އެކޮމިޝަންގެ މުވައްޒަފުންނަށް ބަންދު ދުވަހެއްގެ ގޮތުގައި ހަމަޖައްސާފައިވާކަމަށްވެސް ބްރޯޑްކޮމުން ވިދާޅުވިއެވެ. އަދި އޮފީސް ހުޅުވައިގެން އެއްވެސް ޚިދުމަތެއް ނުދޭނެކަމަށް އެކޮމިޝަނުން ވިދާޅުވިއެވެ.