އަލިފާން ރޯވި ސަރަހައްދުގައި ފަޔަރ ޓީމުން ހަރަކާތްތެރިވުން-- ފޮޓޯ: ޕީއެސްއެމް ނިއުސް
ޗާންދަނީމަގުގައި ހުންނަ މއ.އާހިޔާގުލްޝަންގައި ރޯވި އަލިފާންގަނޑު ކޮންޓްރޯލް ކޮށްފިއެވެ.
އެމްއެންޑީއެފުން ވިދާޅުވީ އަލިފާން ރޯވިކަމުގެ ރިޕޯޓް ފަޔަރ އެންޑް ރެސްކިއު ސާރވިސްއަށް ލިބިފައިވަނީ ހެނދުނު 09:30 ހާއިރުކަމަށެވެ. އެމްއެންޑީއެފުން ވިދާޅުވީ އަލިފާން ރޯވީ އެގޭގެ ގްރައުންޑް ފްލޯގެ ކަރަންޓު ބޯޑުގައިކަމަށެވެ. އަދި ފަޔަރމަނުން ދިޔައިރު އަލިފާން ނިއްވާލާފައިވާކަމަށްވެސް އެމްއެންޑީއެފުން ވިދާޅުވިއެވެ.
އަލިފާން ރޯވި ސަރަހައްދުގައި ފަޔަރ ޓީމުން ހަރަކާތްތެރިވުން-- ފޮޓޯ: ޕީއެސްއެމް ނިއުސް
އަލިފާން ނިއްވާލިނަމަވެސް، ދުންއަރާތީ މުޅި ޢިމާރާތުން މީހުން ހުސްކޮށްފައިވާކަމަށް އެމްއެންޑީއެފް އިން ވިދާޅުވިއެވެ.
މިހާދިސާގައި އެއްވެސް މީހަކަށް އަނިޔާވެފައިވާކަމަށްވެސް މަޢުލޫމާތެއް ނުލިބެއެވެ. އެންއެންޑީއެފްގެ ފަޔަރ އެންޑް ރެސްކިއު ސާރވިސްއިން އެ ސަރަހައްދުގައި އަދިވެސް އަންނަނީ ހަރަކާތްތެރިވަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ