ކ.ތުލުސްދޫ ކައިރިން، ކުޑަވިލިނގިލި ކަނޑުއޮޅިއާއި ދިމާލުން ޑިންގީއަކުން ޖެހި ފަތުރުވެރިޔަކު މަރުވި މައްސަލައިގައި، ޑިންގީ ދުއްވި މީހާ ހައްޔަރުކޮށްފިއެވެ.
ފުލުހުން ވިދާޅުވީ މިދިޔަމަހުގެ 29 ވަނަ ދުވަހު ހިނގި މި ހާދިސާއާ ގުޅިގެން ހައްޔަރުކުރީ 45 އަހަރުގެ މީހެއްކަމަށެވެ. އޭނާ ހައްޔަރުކޮށްފައިވަނީ މިމަހުގެ 31 ވަނަ ދުވަހުގެ ވަގުތެއްގައިކަމަށް ފުލުހުން ވަނީ މަޢުލޫމާތުދީފައެވެ.
ހައްޔަރުކުރި މީހާގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން 10 ދުވަހުގެ މުއްދަތަށް ބަންދުގައި ބެހެއްޓުމަށް ވަނީ އަމުރުކޮށްފައެވެ.
ޑިންގީއަކުން ޖެހި 52 އަހަރުގެ ޕޮލެންޑް ފަތުރުވެރިއަކު މަރުވި ހާދިސާ ހިނގީ ކ.ތުލުސްދޫ ކައިރިން، ކުޑަވިލިނގިލި ކަނޑުއޮޅިއާއި ދިމާލުންނެވެ. މި ހާދިސާއާއި ގުޅޭގޮތުން ފުލުހުން ވިދާޅުވީ، ތުލުސްދޫ ކައިރިއަށް ސްނޯކްލިންއަށް ގޮސްއުޅުނު ފަތުރުވެރިއެއްގެ ގައިގައި އެސަރަހައްދުން ދަތުރުކުރި ޑީންގީއެއްޖެހި ހާދިސާއެއް ހިނގާފައިވާކަމަށް ފުލުހުންނަށް ރިޕޯޓްކޮށްފައިވަނީ އެދުވަހު ހެނދުނު 11:10 ހާއިރުކަމަށެވެ.
އޭނާ ތުލުސްދޫ ސިއްޙީ މަރުކަޒަށް ގެންދިޔައިރުވެސް މަރުވެފައިވާކަަމަށް ފުލުހުން ވިދާޅުވިއެވެ.