ކްރިމިނަލް ކޯޓުގެ އިސް ޤާޟީއަ އަހުމަދު ޝަކީލު ހިމެނިވަޑައިގަންނަވާހެން 4 ބޭފުޅަކު ދިވެހިރާއްޖޭގެ ހައިކޯޓުގެ ފަނޑިޔާރުކަމުގެ މަޤާމަށް ކުރިމަތިލައްވައިފިއެވެ.
ހައި ކޯޓުގެ ފަނޑިޔާރުކަމަށް ޖޭއެސްސީން ހުޅުވާލީ މިމަހުގެ 16 ވަނަ ދުވަހުއެވެ. އެ މުއްދަތު މިއަދު ހަމަވިއިރު އެ މަޤާމަށް 4 ބޭފުލަކު ކުރިމަތިލެއްވިކަމަށް ޖޭއެސްސީން ވިދާޅުވިއެވެ.
ހައި ކޯޓުގެ ފަނޑުޔާރުކަމަށް ކުރިމަތިލެއްވި ބޭފުޅުން
1. އަޙްމަދު ޝަކީލް / ސިޔާމާމަންޒިލް، އއ.ފެރިދޫ
2. މުޙައްމަދު ޝަނީޒް ޢަބްދުﷲ/ ހަނދުވަރީނާޒް، ގދ.ގައްދޫ
3. ޙުސައިން ޝަކީބް / ހުޅުމާލެ، ދޮޅަސް، މާލެ
4. މަރްޔަމް ވަޙީދު / ބެލޫން، ސ.ފޭދޫ
ހައި ކޯޓުގެ ފަނޑިޔާރުކަމަށް ކުރިމަލެއްވި އަޙްމަދު ޝަކީލް އަކީ އެމްއެމްޕީއާރުސީ ޚިޔާނާތުގެ ތެރެއިން ވ. އާރަށް ކުށްޔަށް ދިން މައްސަލާގައި ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމުގެ މައްޗަށް އުފުލި ދައުވާގެ މައްސަލަ ބެއްލެވި ޤާޟީއެވެ.
ހައިކޯޓު ފަނޑިޔާރުންގެ މުސާރައަކީ މަހަކު 54300ރ. އެވެ. އޭގެ އިތުރުން ރައްޔިތުންގެ މަޖިލީހުން ކަނޑައަޅާފައިވާ ގޮތުގެމަތިން މެޑިކަލް އެލަވަންސާއި ފޯނު އެލަވަންސް ލިބިވަޑައިގަންނަވާނެއެވެ.
ހައި ކޯޓަށް ފަނޑިޔާރަކު ހޯދަން ޖޭއެސްސީން އިޢުލާންކުރީ، އެކޯޓުގެ ފަނޑިޔާރުކަމުގެ މަޤާމުގައި ހުންނެވި ޝުއައިބު ޒަކަރިއްޔާ މިދިޔަ އަހަރުގެ ނޮވެމްބަރު މަހު ރިޓަޔަރކުރެއްވުމާއި ގުޅިގެންނެވެ.