މިހިނގާ ދިރާސީ އަހަރުގެ ދެވަނަ ޓަރމުގެ ކިޔެވުން ފެށޭއިރު މ. އަތޮޅު މަދަރުސާ އެއް ދަންފަޅިއަށް ކިޔަވައިދޭ ސްކޫލަކަށް ބަދަލުވެގެން ދާނެ ކަމަށް މިނިސްޓްރީ އޮފް އެޑިއުކޭޝަނުން ހާމަކުރައްވައިފިއެވެ.
އެޑިއުކޭޝަން މިނިސްޓްރީން ވިދާޅުވީ މ.ކޮޅުފުށީގައި ހުންނަ އެއަތޮޅު މަދަރުސާގައި މިސަރުކާރުން ޢިމާރާތްކުރަން ފެށި 8 ކްލާސްރޫމާއި މަލްޓިޕަރޕަސް ހޯލްގެ މަސައްކަތް ނިމި، ބޭނުންކުރަން ފަށާފައިވާ ކަމަށެވެ. އެގޮތުން ދިވެހީންގެ އެއްބައިވަންތަކަމުގެ ދުވަހުގެ ރަސްމީ ޖަލްސާ ބާއްވާފައިވަނީވެސް އެސްކޫލް ހޯލްގައެވެ.
މިއިމާރާތް ނިމުމާއެކު މ. އަތޮޅު މަދަރުސާ މިދިރާސީ އަހަރުގެ ދެވަނަ ޓަރމުން ފެށިގެން އެއްދަންފަޅިއަށް ކިޔަވައިދޭ ސްކޫލްކަށް ބަދަލުވެގެންދާނެ ކަމަށް މިނިސްޓްރީންވަނީ ހާމަކުރައްވާފައެވެ.
މ. އަތޮޅު މަދަރުސާގެ 8 ކްލާސްރޫމާއި މަލްޓިޕަރޕަސް ހޯލްގެ މަސައްކަތް ސްވިފްޓް އިންޖިނިއަރިންގް ޕްރައިވެޓް ލިމިޓެޑާ ހަވާލުކޮށްގެން ފެށީ 14 ޖެނުއަރީ 2020 ގައެވެ. އެކުންފުންޏާ މިމަސައްކަތް ހަވާލުކުރީ 14،138،250 (ސާދަ މިލިޔަން ސަތޭކަ ތިރީސް އަށްހާސް ދުއިސައްތަ ފަންސާސް) ރުފިޔާއަށެވެ.