މިދިޔަ ބުރާސްފަތި ދުވަހު ފުލުހުން ހިންގި ޑްރަގް އޮޕަރޭޝަނުގައި ހައްޔަރުކުރި މީހުންގެ ބައްދަށް، 15 ދުވަހާއި 30 ދުވަހާއި ދެމެދުގެ މުއްދަތު ޖަހައިފިއެވެ.
މަސްތުވާތަކެއްޗާ ދެކޮޅަށް ފުލުހުން ހިންގި މި އޮޕަރޭޝަންގައި މާލެއާއި ހުޅުމާލޭގެ 10 ތަނެއް ބަލާ ފާސްކޮށްފައިވެއެވެ. މި ތަންތަން ބަލާ ފާސްކޮށް 6.8 ކިލޯގެ މަސްތުވާތަކެއްޗާއެކު 17 މީހުންވަނީ ހައްޔަރުކޮށްފައެވެ.
މިކަމާއި ގުޅިގެން ފުލުހުން ވިދާޅުވީ މި މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން، މި މީހުންގެ ބަންދަށް 15 ދުވަހާއި 30 ދުވާހާއި ދެމެދުގެ މުއްދަތު ދީފައިވާކަމަށެވެ. ނަމަވެސް މިކަމާއި ގުޅޭ ތަފްސީލް ހާމަކޮށްފައެއް ނުވެއެވެ.
މަސްތުވާތަކެތީގެ މިއޮޕަރޭޝަނުގައި 933،430 ދިވެހި ރުފިޔާ އަތުލައިގެންފައިވާ ކަމަށް ކޮމިޝަނަރ އޮފް ޕޮލިސް މުޙައްމަދު ހަމީދު ވިދާޅުވެފައިވެއެވެ. މިއީ މަސްތުވާތަކެއްޗާ ދެކޮޅަށް ފުލުހުން ކުރިއަށްގެންދިޔަ އޮޕަރޭޝަންގެ ތެރެއިން އަތުލައި ގަނެވުނު ތަކެތި ކަމަށްވެސް ސީޕީ ވިދާޅުވިއެވެ.
މި މައްސަލައާ ގުޅޭ އިތުރު ތަފްސީލު ފުލުހުން އަދި ހާމައެއް ނުކުރެއެވެ. 22 ވަނަ ދުވަހުގެ އޮޕަރޭޝަނެއްގައި މިތަކެތި އަތުލައިގެންފައިވާއިރު ހަމަ އެދުވަހު ހަވީރު ހިންގި އޮޕަރޭޝަނެއްގައި ހ.ސޯސަން މީޑު ގެއިން ވެސް މަސްތުވާތަކެތި އަތުލައިގެންފައިވެއެވެ.