އަންނަ ރިޔާސީ އިންތިހާބުގައި އެމްޑީޕީގެ ރިޔާސީ ކެންޑިޑަސީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙަށް ދިނުމަށް ތާއީދުކުރައްވާކަން އެމަނިކުފާނުގެ ކުރީގެ ތަރުޖަމާނު މުޙައްމަދު މަބްރޫކް ޢަޒީޒް ހާމަކުރައްވައިފިއެވެ.
އަންނަ އިންތިހާބަށް ވެރިކަން ކުރާ މައި ޕާޓީ އެމްޑީޕީން ނެރޭނެ ކެނޑިޑޭޓެއް ކަނޑައެޅުން އޮންނާނީ އަންނަ މަހުގެ 28ގައި ބާއްވާ ޕްރައިމެރީގައެވެ. ޕާޓީގެ އެތެރޭގެ އިންތިހާބުގެ ފޯރިގަދަވެފައިވާއިރު މި ޕްރައިމެރީގައި ވާދަކުރައްވާނެކަން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި ޕާޓިގެ ރައީސް، ކުރީގެ ރައީސް މުހައްމަދު ނަޝީދު ވަނީ ހާމަކުރައްވާފައެވެ. އަދި ދެބޭފުޅުންވެސް ވަނީ ޕްރައިމެރީގައި ވާދަކުރެއްވުމަށް ފޯމް ހުށައަޅުއްވާފައެވެ.
I wholeheartedly support President @ibusolih ‘s bid for the upcoming MDP primary.
— Mabrook (@mabrouq) December 26, 2022
I am fully convinced that his consolidating style of leadership is what Maldives needs right now, for our stability, and sustainable development.#ibusolih2023 pic.twitter.com/r8c9iO8n2h
ޕްރައިމެރީގައި ވާދަކުރަން ފޯމު ހުށައަޅަންޖެހެނީ 500 މީހުންގެ ތާއިދާއެކުއެވެ. ރައީސް ނަޝީދު ފޯމު ހުށައެޅުއްވީ 12،000 މެމްބަރުންގެ ތާއިދާއެކުއެވެ. ރައީސް އިބްރާހީމް މުޙައްމަދު ޞާލިޙް ފޯމު ހުށައެޅުއްވީ 20،000 މެމްބަރުންގެ ތާއީދާއެކުއެވެ. އެމްޑީޕީގެ ރިޔާސީ ޕްރައިމެރީގެ ޓައިމް ލައިން ބުނާގޮތުން މިއަދުގެ ވަގުތެއްގައި ވާދަކުރާ ކެނޑިޑޭޓުން ނަމްބަރާއި އެކު އިއުލާންކުރާނެއެވެ.
ރައީސް އިބްރާހީމް މުޙައްމަދު ޞާލިޙަށް ތާއީދުކުރައްވާކަން އިއުލާންކުރައްވަމުން އެމަނިކުފާނުގެ ކުރީގެ ތަރުޖަމާނު މުޙައްމަދު މަބްރޫކް ޢަޒީޒް ވިދާޅުވީ ރައީސް ޞާލިޙްގެ ލީޑަރޝިޕްގައި ގެންގުޅުއްވާ ގޮތަކީ ޤައުމުގެ ހަމަޖަހެހުމާއި ދެމެހެއްޓެނެވި ތަރައްޤިއަށް މިވަގުތު އެންމެ ބޭނުންވާ ގޮތްކަމަށެވެ.
2023ގެ ރިޔާސީ އިންތިޚާބުގައި ވާދަކުރާނެ އެމް.ޑީ.ޕީގެ ކެނޑިޑޭޓެއް ހޮވުމަށް ބާއްވާ ޕްރައިމަރީގައި ވާދަ ކުރެއްވުމަށް،20k އަަށް ވުރެގިނަ މެމްބަރުންގެ ތާއީދާއި އެކު، ރައީސް @ibusolih ގެ ކެންޑިޑަސީ ފޯމު ހުށައަޅުއްވައިފި.
— Mohamed Nashiz (@Mnashiz) December 24, 2022
މާތް الله މަނިކުފާނަށް ކާމިޔާބު މިންވަރު ކުރައްވާށި. އާމީން pic.twitter.com/MDoPIlfKwX
ރައީސް އިބްރާހީމް މުޙައްމަދު ޞާލިޙަށް އެމްޑީޕީގެ ރިޔާސީ ކެނޑިޑަސީ ދިނުމަށް ތާއީދުކުރައްވާކަން އެމަނިކުފާނުގެ ކެބިނެޓް ވަޒީރުންނާއި ގިނަ އަދަދެއްގެ މީހުން އަންނަނީ ހާމަކުރަމުންނެވެ. އަދި ރައީސް ނަޝީދަށް ތާއީދުކުރައްވާ ފަރާތްތަކުންވެސް އެކަން އަންނަނީ އެކި ޕްލެޓް ފޯމްތައް މެދުވެރިކޮށް ހާމަކުރަމުންނެވެ.
Raees @MohamedNasheed ge thaaidhu form ga soi kurun Hulhumale Central Park kairi kuriah dhanee.#ANNI2023 pic.twitter.com/ypQjgiV0xX
— iSsE??❤️?? (@isse_saeed) December 21, 2022
އިލެކްޝަންސް ކޮމިޝަންގެ ދަފްތަރުގައިވާ ގޮތުން އެމްޑިޕީގައި މިވަގުތު ތިބި މެމްބަރުންގެ އަދަދަކީ 58175 އެކެވެ. ރާއްޖޭގައި އެންމެ ފުރަތަމަ ރަޖިސްޓްރީ ކުރި އެމްޑީޕީއަކީ ރާއްޖޭގައި ހިންގާ އެންމެ ބޮޑު ސިޔާސީ ޕާޓީއެވެ.