ގއ. ކަނޑުހުޅުދޫގައި ދެ އަހަރުގެ ކުއްޖަކަށް ޖިންސީ ގޯނާކޮށްގެން އުމުރަށް ޖަލާލާފައިވާ މުނިކާފަ އިތުރު ދޮޅުމަހަށް ޖަލަށްލުމަށް ކްރިމިނަލްކޯޓުން ހުކުމްކޮށްފިއެވެ.
އުމުރުން 82 އަހަރުގެ ހަސަން ދީދީ އުމުރަށް ޖަލަށްލުމަށް ކްރިމިނަލްކޯޓުން މީގެކުރިން ހުކުމްކޮށްފައިވަނީ އޭނާއަށް މުނިކާފަ ކިޔާ އުމުރުން 2 އަހަރުގެ ތުއްތު ކުއްޖަކަށް ޖިންސީ ގޯނާކުރި ކުށުގައެވެ. މި އަމަލުގައި ހަސަން ދިދީގެ ދަރިފުޅު އަދި އެ ކުއްޖާގެ ކާފަވެސް ވަނީ ބައިވެރިވެފައެވެ. އޭނާވެސް އުމުރަށް ޖަލަލަށް ލުމަށް ކޯޓުން ވަނީ ހުކުމްކޮށްފައެވެ.
އުމުރުން 82 އަހަރުގެ މީމާގެ މައްޗަށް އިތުރު ހުކުމެއް ކުރީ އެހެން ކުއްޖެއްގެ ކައިރީގައި ޖިންސީ އަމަލު ހިންގަން އެދުނު ކުށުގައެވެ. 2019 ވަނައަހަރުގެ ޑިސެމްބަރުމަހު ހިނގި މި ހާދިސާގައި މި މިހާ ވަނީ އެ ކުއްޖާ މަގުމަތީ ކުޅެން ހުއްޓާ ފައިސާ ދޭން މަސައްކަތްކޮށް އޭނާގެ ކޮޓަރިއަށް ދިއުމަށް އެދިފައެވެ.
މި މައްސަލަ ނިންމާ ކްރިމިނަލްކޯޓުން އިއްވި ހުކުމުގައިވަނީ ކުޑަކުއްޖަކަށް ފައިސާ ދީ އެކުއްޖާގެ ކިބައިން ޖިންސީ އަމަލެއްއަމަލެއް ހިންގން އެދުނު ކުށް ހަސަން ދީދީގެ މައްޗަށް ސާބިތުވާކަމަށާއި އެ ކުށުގެ އަދަބެއްގެ ގޮތުން 1 މަހާއި 24 ދުވަހަށް ޖަލަށްލާން ހުކުމްކުރާކަމަށެވެ.