އެޑިއުކޭޝަން މިނިސްޓްރީގެ ސްޓޭޓް މިނިސްޓަރ އަޙްމަދު ރިޔާޒު އާއި ޓްރާންސްޕޯޓު މިނިސްޓްރީގެ ޑެޕިއުޓީ މިނިސްޓަރު ޝިމާޒު އަލީ މަސައްކަތް ކުރައްވާ މިނިސްޓްރީ ބަދަލުކުރައްވައިފިއެވެ.
ރައީސް އޮފީހުން ވިދާޅުވީ އެޑިއުކޭޝަން މިނިސްޓްރީގެ ސްޓޭޓް މިނިސްޓަރުކަމުގެ މަޤާމުގައި ހުންނެވި އަޙްމަދު ރިޔާޒް، މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަންގެ ސްޓޭޓް މިނިސްޓަރުކަމުގެ މަޤާމަށް ބަދަލުކޮށްފައިވާކަމަށެވެ. އަދި ޓްރާންސްޕޯޓް މިނިސްޓްރީގެ ޑެޕިއުޓީ މިނިސްޓަރުކަމުގެ މަޤާމުގައި ހުންނެވި ޝިމާޒު އަލީ، މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްގެ ޑެޕިއުޓީ މިނިސްޓަރަކަށް ބަދަލުކުރައްވާފައިވާކަމަށްވެސް ރައީސް އޮފީހުން ވިދާޅުވެއެވެ.
މިބަދަލުތައް މިދިޔަ ހަފްތާގެ ތެރޭގައި ގެނެސްފައިވާއިރު، ބަދަލުތައް ގެނައީ ވަކި ހާއްސަ ސަބަބެއް އޮވެގެން ނޫންކަމަށް ރައީސް އޮފީހުން ވިދާޅުވެއެވެ.