މާލެ ސަރަހައްދުން މަސްތުވާތަކެއްޗާއެކު 17 މީހަކު ހައްޔަރުކޮށް 9 ލައްކަ ރުފިޔާ އަތުލައިގެންފިއެވެ.
މާލެއިން މަސްތުވާތަކެތި އަތުލައިގަތީ ރޭ ހިންގި އޮޕަރޭޝަނެއްގައެވެ. އެކަން ހަމަކުރައްވާ ކޮމިޝަނަރ އޮފް ޕޮލިސް މުހައްމަދު ހަމީދު ކުރެއްވި ޓުވީޓުގައި ވިދާޅުވީ މި އޮޕަރޭޝަނުގައި މާލެ އާއި ހުޅުމާލޭގެ 10 ތަނެއް ބަލާ ފާސްކޮށްފައިވާ ކަމަށެވެ. އަދި އެ ތަންތަނުން 6.8 ކިލޯގެ މަސްތުވާތަކެއްޗާއެކު 17 މީހުން ހައްޔަރުކޮށްފައިވާ ކަމަށް ހަމީދު ވިދާޅުވިއެވެ.
On 22nd December @PoliceMv conducted a counter-narcotics operation in which 10 locations in Male’ & HulhuMale’ were searched, 17 persons arrested, 6.8 kgs of narcotics & MVR 933,430 were seized. This was to disrupt drug trafficking and peddling by a well known crime group. pic.twitter.com/IiyMD6X4fL
— Mohamed Hameed (@M_Hameedh) December 24, 2022
ހަމީދު ވިދާޅުވީ މި އޮޕަރޭޝަނުގައި 933،430 ދިވެހި ރުފިޔާ އަތުލައިގެންފައިވާ ކަމަށެވެ.
މިއީ މަސްތުވާތަކެއްޗާ ދެކޮޅަށް ފުލުހުން ކުރިޔަށް ގެންދާ އޮޕަރޭޝަންގެ ތެރެއިން އަތުލައި ގަނެވުނު ތަކެތި ކަމަށްވެސް ސީޕީ ވިދާޅުވިއެވެ.
މި މައްސަލައާ ގުޅޭ އިތުރު ތަފްސީލެއް ފުލުހުން އަދި ހާމައެއް ނުކުރެއެވެ. 22 ވަނަ ދުވަހުގެ އޮޕަރޭޝަނެއްގައި މި ތަކެތި އަތުލައިގެންފައިވާއިރު ހަމަ އެ ދުވަހު ހަވީރު ހިންގި އޮޕަރޭޝަނެއްގައި ހ. ސޯސަން މީޑު ގެއިން ވެސް މަސްތުވާތަކެތި އަތުލައިގެންފައިވެއެވެ.