މިނިސްޓަރ އޮފް ޖެންޑަރ، ފެމިލީ އެންޑް ސޯޝަލް ސަރވިސަސްގެ ނައިބުގެ މަގާމުގައި ކުރިން ހުންނެވި ފާތިމަތު ޔުމްނާއަށް އެމިނިސްޓްރީން މިހާރު އެއްވެސް މުސާރައެއް އަދި އެލަވަންސެއް ނުދޭ ކަމަށް އެމިނިސްޓްރީން ހާމަކޮށްފިއެވެ.
ޖެންޑަރ މިނިސްޓްރީން މިކަން ހާމަކޮށްފައިވަނީ މިނިސްޓްރީގެ ކޮންސަލްޓެންޓެއްގެ މަޤާމަށް ފާތިމަތު ޔުމްނާ ހަމަޖައްސައި ތައިލޭންޑްގައި ދިރިއުޅުއްވޭވަރުގެ އާމްދަނީއެއް ދައުލަތުގެ ފައިސާއިން ޔުމްނާއަށް ދެމުން އަންނަ ކަމަށް "ދިޔަރެސް" ނޫހުގައި ލިޔެ އާންމުކޮށްފައިވާ ޚަބަރާ ގުޅިގެންނެވެ
ހޯމް މިނިސްޓަރގެ އިމްރާން ޢަބްދުﷲގެ އަނބިކަނބަލުން ފާތިމަތު ޔުމްނާ މަތީ ތައުލީމު ހާސިލުކުރުމަށް ރާއްޖެއިން ބޭރަށް ވަޑައިގަންނަވާތީވެ، 30 ނޮވެންބަރު 2021 ގައިވަނީ އެމަޤާމުން އިސްތިއުފާ ދެއްވާފައިވާ ކަމަށް ޖެންޑަރ މިނިސްޓްރީންވަނީ ހާމަކޮށްފައެވެ. އެހެންކަމުން އެތާރީޚުން ފެށިގެން ޖެންޑަރ މިނިސްޓްރީން ޔުމްނާއަށް މުސާރައެއް ވެސް އަދި އެލަވަންސްއެއް ވެސް ދީފާ ނުވާނެކަން ކަށަވަރުކޮށްދޭ ކަމަށްވެސް އެމިިނިސްޓްރީންވަނީ ހާމަކޮށްފައެވެ.
މައުލޫމާތު ލިބިފައިވާ ގޮތުގައި ޔުމްނާ މިހާރު އަންނަނީ ތައިލެންޑްގައި ޕީއެޗްޑީއަށް ކިޔަވަމުންނެވެ.
Alhugadu ge anhenun Fathimath Yumna November 30, 2021 gai deputy minister kamun isthiufa dhinumahfahu,sarukaarun musaaraeh adhi allowance ehves nudhey.
— Imran Abdulla (@ShimranAb) December 22, 2022
މިކަމާ ގުޅިގެން ހޯމް މިނިސްޓަރ އިމްރާން ޢަބްދުﷲ މިރޭ ކުރެއްވި ޓުވީޓެއްގައިވެސްވަނީ އެމަނިކުފާނުގެ އަނބިކަނބަލުން ފާތިމަތު ޔުމްނާ 30 ނޮވެމްބަރ 2021 ގައި ޖެންޑަރ މިނިސްޓަރުގެ ނައިބު ކަމުން އިސްތިއުފާ ދެއްވިފަހުން ސަރުކާރުން މުސާރައެއް އަދި އެލަވަންސެއްވެސް ނުދޭ ކަމަށެވެ.