ދެކުނުގެ އަތޮޅެއްގެ ރަށެއްގައި ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި މީހަކު ހައްޔަރުކޮށް ބަންދުގެ މުއްދަތު ޖަހައިފިއެވެ.
ފުލުހުން ވިދާޅުވީ، ރާއްޖޭގެ ދެކުނުގެ އަތޮޅުގެ ރަށެއްގައި ޢުމުރުން 11 އަހަރުގެ އަންހެން ކުއްޖަކަށް ޖިންސީ ގޯނާކުރިކަމަށް ތުހުމަތުކުރެވޭ މައްސަލައެއް މިމަހުގެ 7 ވަނަ ދުވަހު ފުލުހުންނަށް ހުށައަޅާފައިވާކަަމަށެވެ.
މި މައްސަލައާއި ގުޅިގެން 41 އަހަރުގެ ދިވެހި ފިރިހެނަކު ކޯޓު ޢަމުރެއްގެ ދަށުން ހައްޔަރުކޮށްފައިވާކަމަށް ފުލުހުން ވިދާޅުވިއެވެ. އަދި އެމީހާގެ ބަންދާމެދު ގޮތެއް ނިންމުމަށް ކޯޓަށް ޙާޒިރުކުރުމުން 5 ދުވަހުގެ ބަންދުގެ މުއްދަތު ކޯޓުން ދީފައިވާކަމަށްވެސް ފުލުހުން ވިދާޅުވިއެވެ.
މި މައްސަލަ އިތުރަށް ތަހްޤީޤްކުރަމުން އަންނަކަމަށްވެސް ފުލުހުން ވިދާޅުވިއެވެ.
ކުޑަކުދިންނާއި ގުޅޭ މައްސަލައަކަކީ ސީރިއަސް މައްސަލަތަކެއްކަމަށްވާތީ، ކުއްޖާގެ ރައްކާތެރިކަމުގެ ގޮތުން ހާދިސާ ހިނގި ރަށާއި ކުއްޖާއާއި ގުޅޭ މަޢުލޫމާތު ފުލުހުން ހާމައެއް ނުކުރެއެވެ.