ބޭންކް އޮފް މޯލްޑިވްސް، ބީއެމްއެލްއިން އެމެރިކަން އެކްސްޕްރެސް ކާޑު ބޭނުންކުރާ ފަރާތްތަކަށް ޚާއްސަ ޕްރޮމޯޝަންއެއް ފަށައިފިއެވެ.
ބޭންކް އޮފް މޯލްޑިވްސްއިން އަހަރުގެ ފަހުކޮޅާއި ދިމާކޮށް ފެށި މި ޕްރޮމޯޝަން މިމަހުގެ 13 ވަނަ ދުވަހުން އަންނަ މަހުގެ 13 ވަނަ ދުވަހަށް ކުރިއަށްދާނެއެވެ. ބީއެމްއެލްގެ މި ޕްރޮމޯޝަނުގައި ބައިވެރިވުމަށް ކުރަން ޖެހޭ ހަަމއެކަނި ކަމަކީ އެމެރިކަން އެކްސްޕްރެސް ޑެބިޓް ނުވަތަ ކްރެޑިޓް ކާޑު މެދުވެރިކޮށް ވިޔަފާރި ކުރުމެވެ.
މި ޕްރޮމޯޝަންގެ ދަށުން ޚާއްސަ އިނާމްތަކުގެ ގޮތުގައި ކޮންމެ ހަފްތާއަކު 2 މީހަކަށް 5000 ރުފިޔާ ދިނުމަށް ހަމަޖެހިފައިވާކަމަށް ބީއެމްއެލްއިން މަޢުލޫމާތުދެއެވެ. އަދި ބޮޑު އިނާމުގެ ގޮތުގައި 2 މީހަކަށް ލަންޑަނަށް ރިޓާން ޓިކެޓާއެކު ދަތުރުގެ ޚަރަދުގެ ގޮތުގައި 1000 ޕައުންޑް ދިނުމަށް ވަނީ ހަމަޖެހިފައެވެ.
ބޭންކް އޮފް މޯލްޑިވްސް އަކީ ދިވެހި ރާޢްޖޭގައި އެންމެ ފުޅާ ދާއިރާއެއްގައި ބޭންކިންގް ޚިދުމަތްދޭ ކުންފުންޏެވެ. މީގެ އިތުރުން ރާއްޖޭގައި އެމެރިކަން އެކްސްޕްރެސްގެ ޚިދުމަތް އެކްސްލޫސިވްކޮށް ދެނީވެސް ބީއެމްއެލްއިންނެވެ. އެމެރިކަން އެކްސްޕްރެސް ކާޑުގެ މިފަދަ ޕްރޮމޯޝަންތައް ބީއެމްއެލްއިން ދަނީ އަބަދުވެސް ހިންގަމުންނެވެ.