ރާއްޖޭގެ ފޮރިން މިނިސްޓަރ ޢަބްދުﷲ ޝާހިދު އިންޑިޔާއާއި ބަންގްލަދޭޝްގެ ޚާރިޖީ ވަޒީރަށް ތަޢުޒިޔާ ވިދާޅުވެއްޖެއެވެ.
ބުދަ ދުވަހުގެ ރޭ މާލޭގައި ހިނގި އަލިފާނުގެ ހާދިސާގައި އިންޑިޔާއި ބަންގްލަދޭޝްގެ ރައްޔިތުން ނިޔާވެފައިވާތީ ފޮރިން މިނިސްޓަރ ޢަބްދުﷲ ޝާހިދުވަނީ އިންޑިއާގެ އެކްސްޓަރނަލް އެފެއާޒް މިނިސްޓަރ ޑރ ޖައިޝަންކަރާއި ބަންގްލަދޭޝްގެ ފޮރިން މިނިސްޓަރު ޑރ އޭ.ކޭ. ޢަބްދުލް މޮމެން އާ ފޯނުން ގުޅުއްވައި ތަޢުޒިޔާ ވިދާޅުވެފައެވެ.
މިނިސްޓަރުގެ ވާހަކަފުޅުގައި ދިވެހި ރައްޔިތުންނާއި ދިވެހި ސަރުކާރުގެ ނަމުގައި މި ހާދިސާގައި ނިޔާވި އެ ޤައުމުތަކުގެ ރައްޔިތުންގެ އާއިލާތަކަށް ތަޢުޒިޔާ ރައްދުކޮށްދެއްވުމަށް އެދިވަޑައިގެންނެވިއެވެ. ހަމައެއާއެކު، މި ހާދިސާ ހިނގައިދިޔަ ގޮތުގެ ފުރިހަމަ ތަޙުގީގެއް ކުރަމުންދާ ވާހަކައާއި މިހާތަނަށް ލިބިފައިވާ މަޢުލޫމާތު ޢަބްދުﷲ ޝާހިދުވނަީ ހިއްސާ ކުރައްވާފައެވެ. އަދި މި އުނދަގޫ ދަނޑިވަޅުގައި ދިވެހި ސަރުކާރުގެ ފުރިހަމަ އެހީއާއި އެއްބާރުލުން އެ ދެ ޤައުމުގެ ހައިކޮމިޝަން މެދުވެރިކޮށް، ލިބިގެންދާނެކަމުގެ ފުރިހަމަ ޔަގީންކަން މިނިސްޓަރ ޝާހިދު ދެއްވިއެވެ.
މ.ނިރުފެހި ގޭގައި ހިނގި އަލިފާނުގެ ހާދިސާގައި 10 މީހަކުވަނީ ނިޔާވެފައެވެ. ފުލުހުން ބުނީ މިޙާދިސާގައި ނިޔާވި މީހުން ދެނެގަތުމުގެ މަސައްކަތް އަދިވެސް ކުރަމުންދާކަމަށެވެ.