ދިރާގުގެ ސަޅި ޕްރީޕެއިޑް ކަސްޓަމަރުންނަށް އިތުރު ޑެއިލީ ޑޭޓާ ލިބޭ ޕްރޮމޯޝަނެއް

ދިރާގުގެ ސަޅި ޕްރީޕެއިޑް ކަސްޓަމަރުންނަށް އިތުރު ޑެއިލީ ޑޭޓާ ލިބޭ ޕްރޮމޯޝަނެއް ފަށައިފިއެވެ.

މި ޕްރޮމޯޝަންގެ ދަށުން 'ސަޅި 2 ވީކްސް' އަދި 'ސަޅި މަންތުލީ' ގެ ނަމުގައި ދެ ޕްލޭނެއް ކަސްޓަމަރުންނަށް ނެގޭނެއެވެ.

ދިރާގުން ބުނީ މި ޕްރޮމޯޝަންގެ ދަށުން، 'ސަޅި 2 ވީކްސް' ޕްލޭންއިން ކަސްޓަމަރުންނަށް ދެ ހަފްތާއަށް 4 ޖީބީ ޑެއިލީ ޑޭޓާ އެންމެ 265 ރުފިޔާއަށް ލިބޭނެއެވެ. އަދި 'ސަޅި މަންތުލީ' ޕްލޭންއިން ހަމައެކަނި 495 ރުފިޔާއަށް 150 ޖީބީ ޑޭޓާއެއް މަހަށް ލިބޭނެ ކަމަށާއި، މި ދެ ޕްލޭނުން ކުރެ ކޮންމެ ޕްލޭނަކުންވެސް ކަސްޓަމަރުންނަށް ހުރިހާ ދިރާގު ނަމްބަރުތަކަށް އަންލިމިޓެޑްކޮށް ގުޅާލެވޭނެ ކަމަށެވެ. އަދި އެއް އެކްޓިވޭޝަނުން އިތުރު ޑޭޓާ ލިބުމުގެ ފުރުޞަތު ލިބިގެންދާނެކަމަށް ބީއެމްއެލުން ހާމަކުރެއެވެ.

ދިރާގު ސަޅި ޕްރީޕެއިޑް ކަސްޓަމަރުންނަށް ދިރާގު އެޕް މެދުވެރިކޮށް ނުވަތަ 343 އަށް 'ސަޅި 2 ވީކްސް'އަށް ނަމަ ‘S1GB14’ ނުވަތަ 'ސަޅި މަންތުލީ'އަށް ނަމަ ‘S1GB30’ ޖަހާފައި އެސްއެމްއެސް ކޮށްލައިގެންވެސް މި އެޑް-އޮން ނެގޭނެއެވެ.