ވިލާ ކުންފުނިން ހިންގާ އައިލެންޑް ފައިނޭންޝަލް ސާވިސަސްގެ ލައިސަންސް ހިފަހައްޓަން ނިންމި ނިންމުން އެމްއެމްއޭއިން އުވާލައިފިއެވެ.
އައިލެންޑް ފައިނޭންޝަލް ސާވިސަސްއަށް އެމްއެމްއޭއިން ދޫކޮށްފައިވާ ލައިސަންސް ހިފެހެއްޓުމާއެކު އެކުންފުނިން ދެމުންދާ ވެސްޓަން ޔުނިއަން މަނީ ޓްރާންސްފާގެ ޚިދުމަތް ވަނީ މިމަހުގެ 8 ވަނަ ދުވަހު މެދުކެނޑިފައެވެ.
ލައިސަންސް ހިފެހެއްޓުމާއި ގުޅިގެން ވިލާ ކުންފުނިން އޭރު ބުނީ ލައިސަންސް ހިފެހެއްޓީ ވެސްޓަން ޔޫނިއަންގެ ލޯކަލް އެޕްލިކޭޝަނަށް ގެންނަންޖެހޭ ބަދަލުތައް ގެނައުމަށްކަމަށެވެ.
އެމްއެމްއޭއިން ބުނީ އައިލެންޑް ފައިނޭންޝަލް ސާވިސަސް ޕްރައިވެޓް ލިމިޓެޑުން ރެމިޓެންސް ޚިދުމަތް ދިނުމަށް އެ އޮތޯރިޓީން ދޫކޮށްފައިވާ ޕޭމަންޓް ޚިދުމަތް ދިނުމުގެ ލައިސަންސްގެ ސަސްޕެންޑްކުރުމަށް ނިންމި ނިންމުން މިމަހުގެ 18 ވަނަ ދުވަހު އުވާލާފައިވާކަމަށެވެ. އަދި ސަސްޕެންޝަން އުވާލުމާއި ގުޅިގެން ވެސްޓަން ޔޫނިއަންގެ ޙިދުމަތް އައިލެންޑް ފައިނޭންޝަލް ސާވިސަސްއިން މިހާރު ވަނީ އަލުން ފަށާފައެވެ.
ވެސްޓަން ޔޫނިއަންއަކީ ބޭރު ޤައުމުތަކަށް ފައިސާ ފޮނުވުމަށް ގިނަ ބަޔަކު ބޭނުންކުރާ ޙިދުމަތެކެވެ.