ބާ ޖަމާލުއްދީން ސްކޫލް އިމާރާތުގައި ރޯވެ އަނދަމުންއެބަދެއެވެ. އެމްއެންޑީއެފްއިން ވިދާޅުވީ އަލިފާން ރޯވެފައިވަނީ ބާ ޖަމާލުއްދީން އިމާރާތުގައި ހުރި ކުނި ތަކެއްގައި ކަމަށެވެ.
މަންޒަރު ފެންނަގޮތުގައި ސްކޫލް އިމާރާތުގައި ވަނީ ވަރަށް ބޮޑަށް ހުޅު ހިފާފައެވެ. ނަމަވެސް އެއްވެސް މީހަކަށް މި ޙާދިސާގައި ގެއްލުންވިކަމުގެ މަޢުލޫމާތެއް ލިބިފައެއް ނުވެއެވެ.
އަދި އެމްއެންޑީއެފްގެ ފަޔަރ އެންޑް ރެސްކިއު ޓީމުން މިހާރު ވަނީ އެ ސަރަޙައްދަށް ގޮސް އަލި ފާންގަނޑު ނިންމުމުގެ މަސައްކަތް ފަށާފައެވެ.
ބާ ޖަމާލުއްދީން އިމާރާތަކީ މިހާރު ބޭނުންކުރާ އިމާރާތެއް ނޫނެވެ.
އެ އިމާރާތް ކުރިން އެކި ބޭނުންތަކުގައި ބޭނުންކުރި ނަމަވެސް، މިހާރު ރަމުންދަނީ އެތަނުގައި އާ އިމާރާތެއް އެޅުމަށް ކުރިން ހުރި ބާ އިމާރާތް ތަޅާލާ އެތަނުން ނެގުމުގެ މަސައްކަތެވެ.
އިމާރާތް ތަޅާލަނީ އެތަނުގައި، އަރަބިއްޔާ ސްކޫލްގެ އާ އިމާރާތް އެޅުމަށެވެ.
ކުރި އެ އިމާރާތް ޤައުމީ ޔުނިވަރސިޓީގެ ބައެއްގެ ގޮތުގައާއި އަދި އިލެކްޝަން ކޮމިޝަންގެ މަސައްކަތަކަށްވެސް ބޭނުންކުރިއެވެ.