ހިޔާ ފްލެޓްތަަކަށް އަމާޒުކޮށް ދިރިއުޅޭ މީހުންނަށް އަމާޒުކޮށްގެން ވިލާ ގޭހުން ކުރިއަށްގެންދާ "ހިޔާ ލަކީޑްރޯ" މިއަދު އޮންނާނެއެވެ.
ލަކީޑްރޯ ނެގުމަށް ހަމަޖެހިފައިވަނީ މިއަދު ހަވީރު 16:30 އިން ފެށިގެން 17:30 ގެ ނިޔަލަށެވެ. ލަކީީޑްރޯ ކުރިއަށް ގެންދިއުމަށް ހަމަޖެހިފައިވަނީ ހިޔާ ޓަވަރު 14ގައި ހުންނަ ވިލާ މާޓުގައެވެ.
ލަކީޑްރޯއިން ހޮވޭ ނަސީބުވެރިންނަށް 6 މަސް ދުވަހުގެ ފްލެޓް މެއިންޓެނަންސް ފީ އެ ފިހާރައިން ދިނުމަށް ވަނީ ހަމަޖެހިފައެވެ. އެއީ 6000 ރުފިޔާ އެވެ. އަދި އެ ޕްރޮމޯޝަންގެ ދަށުން ގުރުއަތުން ހޮވޭ ފަރާތްތަކަށް ގޭސް ފުޅީގެ އަގު މުޅިން ހިލޭ ކުރުމުގެ ފުރުސަތުވެސް ލިބޭނެއެވެ.
ވިލާ ގޭހުގެ އެ ޕްރޮމޯޝަނުގެ ދަށުން ކޮންމެ ޓަވަރަކުން ނަސީބުވެރިއެއް ހޮވުމަށް ވަނީ ހަމަޖެހިފައެވެ.
ވިލާ ގޭހުން ބުނީ މި ލަކީޑްރޯއަކީ މިދިޔަ ސެޕްޓެމްބަރު މަހުން ފެށިގެން ކުރިއަށްގެންދާ ޕްރޮމޯޝަނެއްގެ ދަށުން ނަގާ ލަކީޑްރޯއެއްކަމަށެވެ. އަދި ކުރިއަށް އޮތް 6 މަސް ދުވަހަށްވެސް މި ލަކީޑްރޯ ކުރިއަށްދާނެކަމަށް ވިލާ ހަކަތައިން ބުނެއެވެ. ކުރިއަށްހުރި ލަކީޑްރޯތަކުގައި ބައިވެރިވާން ބޭނުންވާ ފަރާތްތަކަށް ރެޖިސްޓަރ ކުރުމުގެ ފުރުސަތު އަދިވެސް އެބައޮތްކަމަށް ވިލާ ހަކަތައިން މައުލޫމާތުދެއެވެ.
ވިލާ ގޭހުން ބުނީ އެ ޕްރޮމޯޝަނަށް ވަރަށް ބޮޑު ތަރުހީބެއް ކުރިންވެސް ލިބިގެންގޮސްފައިވާކަމަށެވެ.