ވިއްސާރައިގެ ތެރޭ ފުރާޅު އެއްލާލުމާއި ގުޅިގެން އައްޑޫސިޓީ ހުޅުމީދޫ ވޭމްކޯ ވޭސްޓް މެނޭޖްމެންޓް ސެންޓަރަށް ގެއްލުން ވެއްޖެއެވެ.
މިއަދު ހެނދުނު ވައިގަދަވެ ކުރި ވިއްސާރައިގައި ހުޅުމީދޫގެ ވޭސްޓް މެނޭޖްމެންޓް ސެންޓަރަށް ގެއްލުން ލިބިފައިވާއިރު، އެ ސެންޓަރުން ބުނީ ފުރާޅު އެއްލާލާފައިވަނީ ކުނި ވަކިކުރުމަށް ބޭނުން ބޭނުން ކުރާ ބްލޮކަށް ކަމަށެވެ. އެގޮތުން އެތަނުގައި 12 ސެލްއެއް ހުރިއިރު މުޅި ބްލޮކްގެ ފުރާޅު އެއްކޮށް އެއްލާލާފައިވާ ކަމަށް ވެމްކޯއިން ބުނެއެވެ. އަދި މީގެ އިތުރުން ވޭސްޓް ފުރާޅު އެއްލާލި ވަގުތު ވިއްސައިގެން ގޮސް ފުރާޅު ސެންޓަރުގެ ވަށާ ޖަހާފައިން ފެންސުގައި ޖެހި ފެންސަށްވެސް ގެއްލުންވެފައިވާ ކަމަށް ސެންޓަރުން ވަނީ ބުނެފައެވެ.
މިކަމާއި ގުޅިގެން ވެމްކޯއިން ބުނީ ހުޅުމީދޫގައި ވެމްކޯއިން ދެމުންދާ ޙިދުމަތްތަކުގެ ތެރެއިން ކުނި ނެގުމުގައި އެއްވެސް މަޑު ޖެހުމެއް ނާންނާނެ ކަމަށާއި، ގޭގެއިން އަދި ކޮމާޝަލީވެސް ކުރިއެކޭ އެއްގޮތަށް ޤަވާއިދުން ކުނި ނެގޭނެ ކަމަށެވެ. ނަމަވެސް މިކަމުގެ ސަބަބަނުން ވޭސްޓް ސެގްގްރިގޭޝަން މަސައްކަތް މަޑުޖެހިގެން ދާނެ ކަމަށް ވެމްކޯއިން ހާމަކުރެއެވެ.
މިވިއްސާރައިގެ ސަބަބުން އައްޑޫގެ އިތުރު އެއްވެސް ތަނަކަށް އިތުރު ގެއްލުމެއް ލިބިފައިވާ ކަމުގެ މައުލޫމާތު މިހާތަނަށް ލިބިފައި ނުވެއެވެ. ނަމަވެސް މޫސުމަށް ސަމާލުވުމަށް މެޓް އޮފީހުން ވަނީ އިރުޝާދު ދީފައެވެ.
ވެމްކޯގެ ޙިދުމަތް އައްޑޫގެ ހުރިހާ އަވަށަކަށްވެސް ލިބެއެވެ. އެގޮތުން އައްޑޫގެ 3200 އަށް ވުރެ ގިނަ ގޭބީސީ އަށް ވެމްކޯއިން ޙިދުމަތް ދޭއިރު، ކޮމާޝަލްކޮށް 380 އަށް ވުރެ ގިނަ ތަންތަނަށް ވެމްކޯގެ ޙިދުމަތް ފޯރުކޮށްދެއެވެ.