މިއަދުވެސް ދިޔަވަރު ބޮޑުވާ ވަގުތު އުދަ އެރުން އެކަށީގެންވޭ - މެޓް އޮފީސް

ދިވަޔަރު ބޮޑުވާ ވަގުތު މިއަދުވެސް ބައެއް ރަށްރަށަށް އުދައެރުން އެކަށީގެންވާކަމަށް މޫސުމާބެހޭ ޤައުމީ އިދާރާއިން ވިދާޅުވެއްޖެއެވެ.

ރާއްޖޭގެ ހުރިހާ ހިސާބުތަކަށްވެސް މިއަދު ދިޔަވަރު އެންމެ ބޮޑުވާނެކަމަށް ލަފާކޮށްފައިވަނީ މެންދުރު ފަހުން ފެށިގެންނެވެ. އެގޮތުން އުތުރުގެ އަތޮޅުތަކަށް ދިޔަވަރު އެންމެ ބޮޑުވާނެކަމަށް ލަފާކޮށްފައިވަނީ، 14:15އިން ފެށިގެންނެވެ. އަދި މެދުރާއްޖެތެރޭގެ އަތޮޅުތަކަށް ދިޔަވަރު އެންމެ ބޮޑުވާނީ 15:00 ހާއިރުއެވެ. ރާއްޖޭގެ ދެކުނަށް ދިޔަވަރު އެންމެ ބޮޑުވާނެކަމަށް ލާފާކޮށްފައިވަނީ 13:50 ހާއިރުއެވެ.

ރާޅުގެ އުސްމިން އާއްމުގޮތެއްގައި އުޅޭނީ 3 ފޫޓާއި 5 ފޫޓާ ދެމެދުގައެވެ.

ދިޔަރު ބޮޑު ވަގުތު އިއްޔެވަނީ، މާލޭގެ އެކި ސަރަޙައްދުތަކަށްވެސް އުދަ އަރާފައެވެ. އެގޮތުން ހެންވޭރު ރާޅުގަނޑު ސަރަޙައްދުން ބޮޑުތަކުރުފާނު މަގާ، ސަލްމާން މިސްކިތް ހިމެނޭ ސަރަޙައްދާ އަދި ބްރިޖް ހައިވޭއަށްވެސް އުދަ އަރާފައިވެއެވެ.

މިމަސްހުގެ ފުރަތަމަ ހަފްތާގައި މޫސުންވެ ދެކުނުގެ ގިނަ ރަށްތަކަށް އުދަ އަރާ ބޮޑެތި ގެއްލުންތަކެއް ލިބުނެވެ. ނަމަވެސް ހުރިހާ ޢާއިލާތަކެއްވެސް މިހާރުވަނީ އާއްމު ޙާލަތަށް އައިސްފައެވެ.