އަންނަ އާދިއްތަ ދުވަހުން ފެށިގެން އެސްޓީއޯ ޕީޕަލްސް ޗޮއިސްއަށް ވިޔަފާރިކުރަން އަންނަ ފަރާތްތަކުގެ އަތުން ކޮތަޅަށް އަގު ނަގާނެކަމަށް އެސްޓީއޯއިން ބުނެފިއެވެ.
މިއީ ޕްލާސްޓިކަށް ނޫނެކޭ ބުނުމުގެ މަޤްސަދުގައި އެސްޓީއޯއިން ފަށާފައިވާ މަސައްކަތެކެވެ.
ޕްލާސްޓިކް ކޮތަޅަށް ނޫނެކޭ ބުނުމުގެ ސިނާސަތުގެ ދަށުން އެސްޓީއޯއިން އަންނަނީ ގިނަ މަސައްކަތްތަކެއް ކުރަމުންނެވެ. އެގޮތުން އެސްޓީއޯ ޕީޕަލްސް ޗޮއިސްއިން ދޭ ކޮތަޅަށް މިމަހުގެ 17 ވަނަ ދުވަހުން ފެށިގެން އަގު ނަގަން ނިންމީވެސް މި މަޤްސަދުގައެވެ.
އެސްޓީއޯއިން ބުނީ 17 ވަނަ ދުވަހުން ފެށިގެން ޕްލާސްޓިކް ކޮތަޅުން 2.5 ރުފިޔާ އަދި ކަރުދާސް ކޮތަޅުން 2 ރުފިޔާގެ އަގެއް ނަގާނެކަމަށެވެ. އެހެންކަމުން ހުރިހާ ފަރާތްތަކުންވެސް ވިޔަފާރިކުރަން އަންނައިރު ތިމާވެއްޓާ ރަހުމަތްތެރި ފޮތި ކޮތަޅު ނުވަތަ "ޓޯޓް ބޭގް" ގެނައުމަށް އެ ކުންފުނިން ވަނީ އެދިފައެވެ.
ޕްލާސްޓިކް ކޮތަޅު ބޭނުންކުރުން މަދުކުރުމަށް ވިޔަފާރި ކުރަން އަންނައިރު ތިމާވެއްޓާ ރައްޓެހި ކޮތަޅެއް ގެންނަން އާދަ ކުރަމާ ?
— STO People's Choice (@stopc_mv) July 10, 2022
އަންނައިރު ”ޓޯޓް ބޭގް“ ގެންނައްޗޭ! ??#PlasticFree #StoPledgetoProtect ?♻️ pic.twitter.com/DVMmRlcmdf
އެސްޓީއޯ ޕީޕަލްސް ޗޮއިސްއިން ބާޒާރުކުރާއިރު ފޮތި ކޮތަޅު ބޭނުންކޮށްގެން ހަދިޔާ ލިބޭ ކެމްޕެއިނެއްވެސް މިދިޔަ އޭޕްރީލް މަހު ވަނީ ފަށާފައެވެ. "ޕްލާސްޓިކް ނޫން ގޮތެއް ރިވާޑްސް"ގެ ނަމުގައި ފެށި މި ކެމްޕެއިންގެ މަޤްސަދަކީވެސް އެއްފަހަރު ބޭނުންކޮށްފައި އުކާލާ ޕްލާސްޓިކް ކޮތަޅު މަދުކުރުމަށް ބާޒާރުކުރުމަށް ފޮތިކޮތަޅު ބޭނުންކުރުން އާދަކުރުމެވެ.
މިއީ ޕްލާސްޓިކް ނޫން ގޮތެއް މި ކެންޕެއިންގެ ދަށުން މޯލްޑިވްސް އޮތެންޓިކް ކްރާފްސްޓް ކޯޕަރޭޓިވް ސޮސައިޓީ، ޖީއީއެފް ސްމޯލް ގްރާންޓްސް ޕްރޮގްރާމް ފަންޑިންގެ ދަށުން، ޔޫއެންޑީޕީގެ އެހީތެރިކަމާއިއެކު ހިންގާ ހަރަކާތެކެވެ. މި ހަރަކާތުގައި އެސްޓީއޯ އަދި ދިރާގުން ވަނީ ޕާޓްނަރުންގެ ގޮތުގައި ބައިވެރިވެފައެވެ.
މި ހަރަކާތް ފެށުމުގެ ގޮތުން 500 ފޮތި ކޮތަޅު ވަނީ ހިލޭ ބަހާފައެވެ. މި ފޮތި ކޮތަޅުތަކުގައި އެންއެފްސީ ޗިޕެއް ވަނީ ހަރުކޮށްފައެވެ.
އެސްޓީއޯ ޕީޕަލްސް ޗޮއިސްއިން މި ކޮތަޅު ބޭނުންކޮށްގެން ވިޔަފާރިކުރުމުން މޯބައިލް އެޕްލިކޭޝަނެއް މެދުވެރިކޮށް ކަސްޓަމަރުންނަށް ޕޮއިންޓް ލިބޭނެއެވެ. އަދި ވަކި ވަރަކަށް ވިޔަފާރިކުރުމުން ލިބޭ ޕޮއިންޓްތައް ބަދަލުވެގެންދާނީ ރިވާޑްސް ނުވަތަ ހަދިޔާއަށެވެ. ހަދިޔާގެ ގޮތުގައި ލިބޭނީ ދިރާގު ޑާޓާ، އަދި އެސްޓީއޯއިން 100 ރުފިޔާއާއި 500 ރުފިޔާއާއި ދެމެދުގެ ފައިސާގެ ތަކެއްޗެވެ.