ބޮޑު ޢީދު ބަންދާ ދިމާކޮށް ވިލިމާލޭގައި ކުރިއަށްގެންދާ "ނަހުލާ އަލީ ޢީދު ފުޓްސަލް މުބާރާތް 2022" ގެ ދެވަނަ ބުރަށް ޓީމުތައް ދަތުރުކޮށްފިއެވެ.
މި މުބާރާތް އިންތިޒާމުކުރަނީ ވިލިމާލެ ދާއިރާގެ ކައުންސިލް މެންބަރު ނަހުލާ އަލީއެވެ. ޖުމްލަ 32 ޓީމާއެކު ކުރިއަށްދާ މި މުބާރާތް ފަށާފައިވަނީ އާދީއްތަ ދުވަހުގައެވެ. އެއް ފަހަރާ ދެ ދަނޑުގައި މުބާރާތުގެ މެޗުތައް ކުޅެމުން އަންނައިރު، ޖުމްލަ 16 މެޗު އާދީއްތަ ދުވަހު ވަނީ ކުޅެފައެވެ.
ނޮކައުޓް އުސޫލުން ކުރިއަށްދާ މި މުބާރާތް ކުރިޔަށްދާނީ އަންގާރަ ދުވަހުގެ ނިޔަލަށެވެ. މި މުބާރާތުގެ ކުޅުން ކުރިއަށްދަނީ ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ވިލިމާލޭގައި ދާދިފަހުން ހުޅުވި ޓާފް ދަނޑުގައެވެ.
މި މުބާރާތުގެ ޗެމްޕިއަން ޓީމަކަށް 50،000 ރުފިޔާގެ ފައިސާގެ އިނާމެއް ހުށަހަޅާފައިވާއިރު، ރަނަރަޕް ޓީމަށް 25،000 ރުފިޔާގެ ފައިސާގެ އިނާމެއް ވަނީ ހުށަހަޅާފައެވެ. އަދި ފެއާޕްލޭ ޓީމަށް 10،000 ރުފިޔާގެ ފައިސާގެ އިނާމެއްވެސް ވަނީ ހުށަހަޅާފައެވެ.