ޖަޕާނުގެ ކުރީގެ ބޮޑުވަޒީރު ޝިންޒޯ އަބޭއަށް އަމާޒުކޮށް ދިން ބަޑީގެ ހަމަލާގައި ޒަޚަމްވުމާ ގުޅިގެން، ކަންބޮޑުވުން ފާޅުކުރައްވައި ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިހު އެމަނިކުފާނަށް އަވަސް ޝިފާއަކަށް އެދިވަޑައިގެންފިއެވެ.
ޝިންޒޯ އަބޭއަށް އަމާޒުކޮށް ހަމަލާދީފައިވަނީ ކެމްޕެއިން ރެލީއެއްގެ ތެރެއިން ރައްޔިތުންނާ މުޚާތަބު ކުރައްވަން ހުންނަވަނިކޮށެވެ.
Very concerned to hear that former Japanese PM @AbeShinzo was shot while speaking at a campaign rally.
— Ibrahim Mohamed Solih (@ibusolih) July 8, 2022
Maldivians join me in sending our well wishes to Mr Abe, his family, the government and people of Japan as we pray for his survival and full recovery. pic.twitter.com/3KPAnyGL4J
މިޙަމަލާއާ ގުޅިގެން ކަންބޮޑުވުން ފާޅުކުރައްވާ ރައީސުލްޖުމްހޫރިއްޔާ ކުރެއްވި ޓުވިޓެއްގައިވަނީ ދިވެހި ސަރުކާރާއި ރައްޔިތުންގެ ނަމުގައި، އެމަނިކުފާނަށް އަވަސް ޝިފާއަކަށް އެދިވަޑައިގެންފައެވެ. އަދި ޝިންޒޯ އަބޭގެ އާއިލާއަށް ކެތްތެރިކަމަށް އެމަނިކުފާނު އެދިވަޑައިގެންނެވިއެވެ.
ޝިންޒޯ އަބޭއަށް ހަމަލާ ދީފައިވަނީ އެ ޤައުމުގެ ސިޓީއެއްކަމަށްވާ ނާރާގައި، ކެމްޕެއިން ރެލީއެއްގެ ތެރެއިން ރައްޔިތުންނާ މުޚާތަބުކުރައްވަން ހުންނަވަނިކޮށެވެ. ބަޑީގެ ދެ ހަމަލާއެއް އަމާޒުވިއިރު، ޝިންޒޯ ޒަޚަމްވީ ބަޑީގެ ދެވަނަ ޙަމަލާގައިކަމަށް ބޭރުގެ ޚަބަރު ފަތުރާ ވަސީލަތްތަކުން ބުނެއެވެ. އަދި ޝިންޒޯ އަބޭގެ ޙާލުކޮޅު ސީރިއަސް ކަމަށްވެސް ނޫސްތަކުގައި ލިޔެފައިވެއެވެ.
ޝިންޒޯ އަބޭއަކީ، ޖަޕާނު ސަރުކާރަށް އެންމެ ދިގު މުއްދަތަކަށް ޚިދުމަތް ކުރެއްވި ބޮޑުވަޒީރެވެ. އެގޮތުން ދެ ފަހަރެއްގެ މަތިން 11 އަހަރު ވަންދެން، ޖަޕާނުގެ ބޮޑުވަޒީރުކަން ޝިންޒޯ އަބޭވަނީ ކުރައްވާފައެވެ. މަޤާމުން އިސްތިއުފާ ދެއްވީ 2020ވަނަ އަހަރުއެވެ.