2022 ވަނަ އަހަރުގެ ދިރާސީ އަހަރަށް ސްކޫލްތަކަށް ބޭނުންވާ ބިދޭސީ ޓީޗަރުންގެ ފުރަތަމަ ބެޗް ރާއްޖެ އަތުވެއްޖެއެވެ.
މި ޓީޗަރުންނަށް އެޑިއުކޭޝަން މިނިސްޓްރީގެ ފަރާތުން އެއަރޕޯޓުންވަނީ ހޫނު މަރުހަބާއެއް ކިޔާފައެވެ.
ކުރިއަށް އޮތް ދިރާސީ އަހަރަށް ސްކޫލްތަކަށް ބޭނުންވާ ބިދޭސީ ޓީޗަރުންގެ ފުރަތަމަ ބެޗްގައި އައީ 5 ޓީޗަރުންނެވެ.
ދިރާސީ އައު އަހަރުގެ ކިޔެވުން ފެށޭއިރު ރާއްޖޭގައި މަސައްކަތްކުރާ ބިދޭސީ ޓީޗަރުންގެ ޢަދަދު ވަރަށް ބޮޑަށް މަދުވާނެކަމަށް އެޑިއުކޭޝަން މިނިސްޓްރީން ވަނީ މީގެ ކުރިން ވިދާޅުވެފައެވެ. އަދި މިބަދަލު ގުޅިފައިވަނީ ސަރުކާރުން މިދާއިރާގެ މުސާރައަށް ގެނައި ހެޔޮބަދަލާއި އެކު ކަމަށް އެމިނިސްޓްރީން ބުނެއެވެ.
2022/2023 ދިރާސީ އަހަރަށް ސްކޫލުތަކަށް ބޭނުންވާ ބިދޭސީ ޓީޗަރުން ރެކްރޫޓްކުރެވި، އެ ޓީޗަރުންގެ ފުރަތަމަ ބެޗް މިއަދު ރާއްޖެ އައިސްފި. މި ޓީޗަރުންނަށް މނިސްޓްރީގެ ހިއުމަން ރިސޯސް މެނޭޖްމަންޓް ޑިވިޜަންގެ މުވައްޒަފުން ވަނީ އެއަރޕޯޓުން މަރުޙަބާ ކިޔާފައި. pic.twitter.com/ClMgLQbrLS
— Ministry of Education (@MoEdumv) July 7, 2022
2021 ވަނަ އަހަރުގެ ކިޔެވުން ނިމުނުއިރު އެޑިއުކޭޝަން މިނިސްޓްރީން މިހާރު ވަނީ އަންނަ އަހަރުގެ ދިރާސީ އަހަރަށް ބޭނުންވާ ފޮތްތައް ސްކޫލްތަކަށް ދޫކުރަން ފަށާފައެވެ.
ކުރިއަށް އޮތް ދިރާސީ އަހަރުގެ ކިޔެވުން ފެށުމަށް ހަމަޖެހިފައިވަނީ އޯގަސްޓް މަހުގެ 7 ވަނަ ދުވަހުއެވެ. އެ އަހަރުގެ ފުރަތަމަ ޓާރމްގެ ކިޔެވުން ނިމޭނީ ޑިސެންބަރު މަހުގެ 22 ވަނަ ދުވަހުއެވެ. އަދި ދެވަނަ ޓަރމްގެ ކިޔެވުން އަންނަ އަހަރުގެ ޖެނުއަރީ މަހުގެ 8 ވަނަ ދުވަހު ފަށާއިރު ދެވަނަ ޓާމްގެ ކިޔެވުން ނިމޭނީ ޖޫންމަހުގެ 22 ވަނަ ދުވަހުއެވެ.