ހިލްޓަން މޯލްޑިވްސް އަމިންގިރި ރިސޯޓު ހުޅުވައިފި

ހިލްޓަން މޯލްޑިވްސް އަމިންގިރި ރިސޯޓު ހުޅުވައިފިއެވެ.

ހިލްޓަން މޯލްޑިވްސް އަމިންގިރި ރިސޯޓަކީ މާލެ އަތޮޅު ކޮށްދިއްޕަރު ފިނޮޅު ހިއްކައިގެން ތަރައްޤީކޮށްފައިވާ ރިސޯޓެކެވެ.

މި ރިސޯޓަކީ ހިލްޓަން ގުރޫޕުން ރާއްޖޭގައި ހިންގާ 4 ވަނަ ރިސޯޓެވެ. އަދި ހިލްޓަން ބްރޭންޑުގެ ނަމުގައި ރާއްޖޭގައި ހުޅުވާފައިވާ ފުރަތަމަ ރިސޯޓެވެ. މި ރިސޯޓް ތަރައްޤީކޮށްފައިވަނީ އަމިންގިރި ހޯލްޑިންގްސްގެ ފަރާތުންނެވެ.

ހިލްޓަން މޯލްޑިވްސް އަމިންގިރި ރިސޯޓަށް ވެލާނާ އިންޓަރނޭޝަނަލް އެއަރޕޯޓުން ލޯންޗެއްގައި 15 މިނެޓުން ދެވޭނެއެވެ. 109 ކޮޓަރީގެ މި ރިސޯޓުގައި ގިނައީ މޫދު ކޮޓަރިތަކެކެވެ. އަދި ރިސޯޓުގެ ހުރިހާ ކޮޓަރިއެއްވެސް ތަރައްޤީކޮށްފައިވަނީ ޕްރައިވެޓު ޕޫލާއި އެކުއެވެ.

މި ރިސޯޓުގައި ތަފާތު އެކި ކެއުންތައް ލިބޭ 6 ރެސްޓޯރެންޓު ހުރެއެވެ. އަދި ޒުވާނުންނަށް ޙާއްސަ ކުޅިވަރު ކުޅޭ ސަރަޙައްދަކާއި، ސްޕާއެއްގެ ޙިދުމަތުގެ އިތުރުން ފިޓްނަސް ސެންޓަރެއްވެސް މި ރިސޯޓުގައި ވަނީ ތަރައްޤީކޮށްފައެވެ.

ހިލްޓަން ގުރޫޕުން މިހާރުވެސް ދަނީ ރާއްޖޭގައި ވޮލްޑޯފް އެސްޓޯރިއާ މޯލްޑިވްސް އިތާފުށި، ކޮންރެޑް މޯލްޑިވްސް ރަންގަލި އައިލެންޑް، ސާއި ލެގޫން މޯލްޑިވްސް އަދި ކޫރިއޯ ކަލެކްޝަން ބައި ހިލްޓަންގެ ނަމުގައި 4 ރިސޯޓެއް ހިންގަމުންނެވެ.