އިޤްތިޞާދީ ގޮތުން ބޮޑު ކާރިސާއެއް ކުރިމަތިވެފައިވާ ސްރީލަންކާގައި ރައްކާކޮށްފައި ހުރި ތެލުގެ ސްޓޮކުގައި މިހާރު ބާކީ ހުރީ އެންމެ 15,000 ޓަނުގެ ތެޔޮ ކަމުގައި އެ ޤައުމުން ބުނެފިއެވެ. އެ ޤައުމުގެ ހަކަތައާ ބެހޭ ވަޒީރު ކަންޗަނަ ވިޖެސޭކެރަ ވިދާޅުވީ، އިތުރަށް ތެޔޮ ގަތުމަށް ބޮޑެތި ހުރަސްތަކެއް ކުރިމަތިވެފައިވާ ކަމަށާއި، އެއްވެސް ޤައުމަކުން ތެޔޮ ވިއްކަން ބޭނުން ނުވާ ކަމުގައެވެ.
ސްރީލަންކާއިން ފައިސާ ނުދައްކާ އޮތް ތެލުގެ ބިލުތަކުގެ ދަރަނި މިހާރު ވަނީ 700 މިލިޔަން ޑޮލަރަށް އަރާފައެވެ. މިއީ، އެ ޤައުމަށް ތެޔޮ ވިއްކަން ކުންފުނިތަކުން ދެކޮޅު ހަދާ މައިގަނޑު ސަބަބެވެ. ވިޖެސޭކެރަ ވިދާޅުވީ، ކުންފުނިތަކުން އެޑްވާންސް ފައިސާ ދެއްކުމަށް އެދުނު ނަމަވެސް، އެ ޤައުމުގެ މާލީ ހާލަތު އޮތް ގޮތުން އެ ފައިސާ ދެއްކެން ނެތް ކަމުގައެވެ.
މިދިޔަ ދެ މަސް ދުވަހުގެ ތެރޭގައި ސްރީލަންކާއިން ތެޔޮ ގަނެފައި ވަނީ އިންޑިޔާގެ އެގްޒިމް ބޭންކުން ހޯދި 500 މިލިޔަން ޑޮލަރުގެ "ލައިން އޮފް ކްރެޑިޓް"ގެ ދަށުންނެވެ. ނަމަވެސް، މި ޖޫން މަހުގެ މެދުތެރޭގައި އެ ފައިސާ ހުސްވެ، އެ ޤައުމުން އަނެއްކާ ވެސް މި ވަނީ އިތުރު ފައިސާއަށް ބޭނުންވެފައެވެ.
ސްރީލަންކާގައި ޢާންމު ޚިދުމަތްތައް ދިނުމުގައި ބޭނުން ކުރަން މިހާރު ބާކީ ހުރީ އެންމެ 9,000 މެޓްރިކް ޓަނުގެ ޑީސަލާއި 6,000 މެޓްރިކް ޓަނުގެ ޕެޓްރޯލެވެ. މި ތެޔޮ ބޭނުން ކުރާނީ ޢާންމު ދަތުރުފަތުރާއި، ކަރަންޓުގެ ޚިދުމަތް ދިނުމާއި، ޞިއްޙީ ޚިދުމަތްދޭ މަރުކަޒުތަކުގެ ބޭނުންތަކަށް ކަމުގައި ވިޖެސޭކެރަ ވިދާޅުވިއެވެ.
މީގެ އިތުރުން، އެ ޤައުމުގައި ތެޔޮ ވިއްކާ އަގަށް ވެސް މި ވަނީ ބަދަލުތަކެއް ގެނެސްފައެވެ. މި ގޮތުން، ޕެޓްރޯލާއި ޑީސަލް ވިއްކާ އަގު މިވަނީ 12 އާއި 22 އިންސައްތައާ ދެމެދުގެ އަދަދަކަށް ބޮޑުކޮށްފައެވެ. މޭ މަހުގެ ތެރޭގައި ތެލުގެ އަގު ބޮޑު ކުރުމާ ގުޅިގެން، އެ ޤައުމުގައި ތަކެތީގެ އަގުތައް ވެސް ވަނީ 45 އިންސައްތަ އުފުލިފައެވެ.
އެއްގަމު އުޅަނދުފަހަރަށް ތެޔޮ ހޯދުމަށް، ޕެޓްރޯލް ޝެޑުތައް ކައިރީގައި ދިގު ކިޔޫތައް ދަމައިލާފައި ވާއިރު، ގިނަ އަދަދެއްގެ ބަޔަކު ދަނީ ސަރުކާރުގެ ސިޔާސަތުތަކަށް ފާޑު ކިޔަމުންނެވެ. ނަމަވެސް، މިހާރު ހުރި ތެލުގެ ސްޓޮކް ޢާންމު ޚިދުމަތްތަކަށް ބޭނުން ކުރުމަށް ނިންމާފައި ވުމާއެކު، ޢާންމު ރައްޔިތުންގެ ބޭނުންތަކަށް ތެޔޮ ފޯރުކޮށްދެވޭނެ ދުވަހެއް ބުނަން ނޭނގޭ ކަމުގައި ވެސް ވިޖެސޭކެރަ ވިދާޅުވިއެވެ. ތެޔޮ ވިއްކާ ޝެޑުތައް ކައިރީގައި ޢާންމުންގެ މީހުން މުޒާހަރާކޮށް، ތަކެއްޗަށް ގެއްލުން ދޭތީ، އެ ކަން ހުއްޓުވުމަށް ސްރީލަންކާގެ ސިފައިން ދަނީ މަސައްކަތް ކުރަމުންނެވެ.
ސްރީލަންކާގެ އިޤްތިޞާދީ ހާލަތު ގޯސްވެ، ސަރުކާރު އޮފީސްތައްވެސް މިއަދު މި ވަނީ މުއްދަތެއް ނެތް ގޮތަށް ބަންދުކޮށްފައެވެ. އަދި، ސަރުކާރު މުވައްޒަފުންނަށް ގޭގައި މަސައްކަތް ކުރުމަށް މި ވަނީ އަމުރުކޮށްފައެވެ. މީގެ އިތުރުން، ސަރުކާރު މުވައްޒަފުންނަށް ހަފުތާ ބަންދުގެ ގޮތުގައި އިތުރު ދުވަހެއް ދިނުމަށް ވެސް މި މަހުގެ ކުރީކޮޅު ސަރުކާރުން ނިންމާފައިވެއެވެ.
ސްރީލަންކާއަށް ކުރިމަތިވެފައިވާ މާލީ އަދި އިޤްތިޞާދީ ހާލަތުން އަރައިގަތުމަށް، ކުރިއަށް އޮތް ހަ މަސް ދުވަހުގެ ތެރޭގައި، ފަސް ބިލިޔަން އެމެރިކާ ޑޮލަރު ބޭނުންވާނެ ކަމަށް އެ ޤައުމުން ބުނެއެވެ. އަދި، ކަރަންސީ ސްވޮޕް އެއްބަސްވުމެއްގެ ދަށުން ޗައިނާއިން އެ ފައިސާ ހޯދަން އެ ޤައުމުން ވަނީ މަސައްކަތް ފަށާފައެވެ.
ސްރީލަންކާއަށް ކުރިމަތިވެފައިވާ ހާލަތު ދެނެގަނެ، އެ ޤައުމަށް އެހީތެރިކަން ފޯރުކޮށްދެވޭނެ ގޮތްތައް ބެލުމަށް އެމެރިކާގެ މާލީ ވުޒާރާއާއި ޚާރިޖީ ވުޒާރާގެ އޮފިޝަލުންގެ މައްޗަށް އެކުލެވިގެންވާ ޓީމެއް މިހާރު ގެންދަނީ ސްރީލަންކާގައި ހަރަކާތްތެރި ވަމުންނެވެ. އަދި، އިންޓަރނޭޝަނަލް މަނިޓަރީ ފަންޑް (އައި.އެމް.އެފް)ގެ ޓީމެއް ވެސް ދާދި ފަހުން އެ ޤައުމަށް ޒިޔާރަތް ކޮށްފައިވެއެވެ.
ސްރީލަންކާގައި ޢާންމު ޚިދުމަތްތައް ދިނުމުގައި ބޭނުން ކުރަން މިހާރު ބާކީ ހުރީ އެންމެ 9,000 މެޓްރިކް ޓަނުގެ ޑީސަލާއި 6,000 މެޓްރިކް ޓަނުގެ ޕެޓްރޯލެވެ. މި ތެޔޮ ބޭނުން ކުރާނީ ޢާންމު ދަތުރުފަތުރާއި، ކަރަންޓުގެ ޚިދުމަތް ދިނުމާއި، ޞިއްޙީ ޚިދުމަތްދޭ މަރުކަޒުތަކުގެ ބޭނުންތަކަށް ކަމުގައި ވިޖެސޭކެރަ ވިދާޅުވިއެވެ.
މީގެ އިތުރުން، އެ ޤައުމުގައި ތެޔޮ ވިއްކާ އަގަށް ވެސް މި ވަނީ ބަދަލުތަކެއް ގެނެސްފައެވެ. މި ގޮތުން، ޕެޓްރޯލާއި ޑީސަލް ވިއްކާ އަގު މިވަނީ 12 އާއި 22 އިންސައްތައާ ދެމެދުގެ އަދަދަކަށް ބޮޑުކޮށްފައެވެ. މޭ މަހުގެ ތެރޭގައި ތެލުގެ އަގު ބޮޑު ކުރުމާ ގުޅިގެން، އެ ޤައުމުގައި ތަކެތީގެ އަގުތައް ވެސް ވަނީ 45 އިންސައްތަ އުފުލިފައެވެ.
އެއްގަމު އުޅަނދުފަހަރަށް ތެޔޮ ހޯދުމަށް، ޕެޓްރޯލް ޝެޑުތައް ކައިރީގައި ދިގު ކިޔޫތައް ދަމައިލާފައި ވާއިރު، ގިނަ އަދަދެއްގެ ބަޔަކު ދަނީ ސަރުކާރުގެ ސިޔާސަތުތަކަށް ފާޑު ކިޔަމުންނެވެ. ނަމަވެސް، މިހާރު ހުރި ތެލުގެ ސްޓޮކް ޢާންމު ޚިދުމަތްތަކަށް ބޭނުން ކުރުމަށް ނިންމާފައި ވުމާއެކު، ޢާންމު ރައްޔިތުންގެ ބޭނުންތަކަށް ތެޔޮ ފޯރުކޮށްދެވޭނެ ދުވަހެއް ބުނަން ނޭނގޭ ކަމުގައި ވެސް ވިޖެސޭކެރަ ވިދާޅުވިއެވެ. ތެޔޮ ވިއްކާ ޝެޑުތައް ކައިރީގައި ޢާންމުންގެ މީހުން މުޒާހަރާކޮށް، ތަކެއްޗަށް ގެއްލުން ދޭތީ، އެ ކަން ހުއްޓުވުމަށް ސްރީލަންކާގެ ސިފައިން ދަނީ މަސައްކަތް ކުރަމުންނެވެ.
ސްރީލަންކާގެ އިޤްތިޞާދީ ހާލަތު ގޯސްވެ، ސަރުކާރު އޮފީސްތައްވެސް މިއަދު މި ވަނީ މުއްދަތެއް ނެތް ގޮތަށް ބަންދުކޮށްފައެވެ. އަދި، ސަރުކާރު މުވައްޒަފުންނަށް ގޭގައި މަސައްކަތް ކުރުމަށް މި ވަނީ އަމުރުކޮށްފައެވެ. މީގެ އިތުރުން، ސަރުކާރު މުވައްޒަފުންނަށް ހަފުތާ ބަންދުގެ ގޮތުގައި އިތުރު ދުވަހެއް ދިނުމަށް ވެސް މި މަހުގެ ކުރީކޮޅު ސަރުކާރުން ނިންމާފައިވެއެވެ.
ސްރީލަންކާއަށް ކުރިމަތިވެފައިވާ މާލީ އަދި އިޤްތިޞާދީ ހާލަތުން އަރައިގަތުމަށް، ކުރިއަށް އޮތް ހަ މަސް ދުވަހުގެ ތެރޭގައި، ފަސް ބިލިޔަން އެމެރިކާ ޑޮލަރު ބޭނުންވާނެ ކަމަށް އެ ޤައުމުން ބުނެއެވެ. އަދި، ކަރަންސީ ސްވޮޕް އެއްބަސްވުމެއްގެ ދަށުން ޗައިނާއިން އެ ފައިސާ ހޯދަން އެ ޤައުމުން ވަނީ މަސައްކަތް ފަށާފައެވެ.
ސްރީލަންކާއަށް ކުރިމަތިވެފައިވާ ހާލަތު ދެނެގަނެ، އެ ޤައުމަށް އެހީތެރިކަން ފޯރުކޮށްދެވޭނެ ގޮތްތައް ބެލުމަށް އެމެރިކާގެ މާލީ ވުޒާރާއާއި ޚާރިޖީ ވުޒާރާގެ އޮފިޝަލުންގެ މައްޗަށް އެކުލެވިގެންވާ ޓީމެއް މިހާރު ގެންދަނީ ސްރީލަންކާގައި ހަރަކާތްތެރި ވަމުންނެވެ. އަދި، އިންޓަރނޭޝަނަލް މަނިޓަރީ ފަންޑް (އައި.އެމް.އެފް)ގެ ޓީމެއް ވެސް ދާދި ފަހުން އެ ޤައުމަށް ޒިޔާރަތް ކޮށްފައިވެއެވެ.