ސިޔާސީ ޕާރޓީތަކުގެ ޤާނޫނުގެ 28ވަނަ މާއްދާގެ (ނ)ގައި ވާގޮތުގެ މަތިން މޯލްޑިވްސް ރިފޯމް މޫވްމަންޓުން 3000 މެންބަރުން ހަަމަކޮށްފިކަމަށް އިލެކްޝަން ކޮމިޝަނުން ހާމަކުރައްވައިފިއެވެ.
ޤާނޫނީ ޢަދަދު ހަމަނުވާތީ އުވާލަން ނޯޓިސް ދީފައިވާ ޕާޓީތަކުގެ ތެރޭގައި ކުރީގެ ރައީސް އަލްއުސްތާޛު މަޢުމޫން ޢަބްދުލްޤައްޔޫމް އިސްވެ އުފައްދަވާފައިވާ މޯލްޑިވްސް ރިފޯމް މޫވްމަންޓް (އެމްއާރުއެމް) ވެސް ހިމެނުނެވެ. ކުރިން ޕާރޓީގައި ތިބިކަމަށް އިލެކްޝަން ކޮމިޝަނުގެ ހިސާބުތަކުންދައްކަނީ 2300 މެންބަރުންނެވެ.
ޤާނޫނުގައި ބުނާ ޢަދަދުކަމަށްވާ 3،000 މެމްބަރުން ހަމަނުވާ ޕާޓީތަކަށް 3 މަސް ދުވަހުގެ މުއްދަތެއް ދިނުމަށްފަހު އުވާލުމަށް އިލެކްޝަން ކޮމިޝަނުން ނިންމިއިރު މިމުއްދަތު ހަމަވާނީ މާދަމާގެ ނިޔަލަށެވެ. މެންބަރުން ހަމަނުވާތީ އުވާލަން ނޯޓިސް ދިން ޕާޓީތަކުގެ ތެރޭގައި އެމްއާރުއެމްގެ އިތުރުން ހިމެނެނީ ކުރީގެ ނައިބު ރައީސް އަޙުމަދު އަދީބު އުފެއްދެވި އެމްޓީޑީއާއި ޑީއާރުޕީގެ އިތުރުން ލޭބަ ޕާޓީއެވެ.
އެމްއާރުއެމްއަކީ 2005ވަނައަހަރު ސިޔާސީ ޕާޓީތައް އުފެއްދުމުގެ ހުއްދަ ދިނުމަށްދިނުމަށްފަހުން ރައީސް މައުމޫން އުފެއްދެވި ތިން ވަނަ ސިޔާސީ ޕާޓީއެވެ.