ދިވެހިރާއްޖޭގެ
ޤައުމީ އަރުޝީޕަށް ލިބިފައިވާ އެކި ކަހަލަ އިލެކްޓޯނިކްސްގެ އެއްޗެހި މިއަހަރު
ބާއްވާ މަގުމަތީ ބާޒާރުގައި ބައިވެރިކުރުމަށް ނިންމާފައިވާކަމަށް ޤައުމީ އަރްޝީފުން ހާމަކުރައްވައިފިއެވެ.
މިއީ، ކުރީ ޒަމާނުގައި ސަރުކާރުގެ ގުދަންތަކުގައި ހުރި އެއްޗެހި
ކަމަށާއި މިގޮތަށް މި އެއްޗެހި ނައިޓް މާރކެޓްގައި ބައިވެރިކުރުމުން ދިވެހި ކިޔަވާ
ކުދިންނަށްވެސް މި އެއްޗެހި ލިބިގެންދާނެކަމަށް ޤައުމީ އަރްޝީފުން ވިދާޅުވިއެވެ. މިއީ، ވަރަށްވެސް ބޭނުންތެރި އެއްޗެހިތަކެއް
ކަމަށާއި މިއެއްޗެހި މިގޮތަށް މަގުމަތީ ބާޒާރުގައި
ބައިވެރި ކުރުމުން އަރްޝީފަށް ވެސް ފައިދާއެއް
ވެގެންދާނެކަމަށް ފިނޭންސް
މިނިސްޓްރީގެ ސްޓޭޓް މިނިސްޓަރ މުހައްމަދު އަޝްމަލީ ވިދާޅުވިއެވެ.
މިތަކެތި މަގުމަތީ ބާޒާރުގައި ބައިވެރިކުރުމުގެ
ބޭނުމަކީ، އިލެކްޓޯނިކް ތަކެއްޗަކީ
ރައްކާކޮށްފައި ބަހައްޓަން އެހާ ފަސޭހަ އެއްޗެހި ތަކެއް ނޫންކަމަށާއި އެހެންވީމާ
މިތަކެތި ރައްޔިތުންނަށް ބޭނުން ކުރެވޭ ގޮތެއް ހެދުންކަމަށް އަރްޝީފުން
ހާމަކުރައްވައިފިއެވެ. މިއީ ދައުލަތުގެ އޮފީސްތަކުގައި ބޭނުންކޮށްފައި ހުންނަ ކުޑަ
މަރާމަތަކަށް ފަހުން ބޭނުންކުރެވޭނެ ކޮންޕިއުޓަރ، ޓީވީ އަދި އޭސީ ފަދަ ތަކެތިކަމަށް
އަރްޝީފުން ވިދާޅުވިއެވެ.